Ndi zwa vhuṱhogwa arali vha tshi ḽora muḽoro vha dovha futhi vha kona u pfesesa na zwine wa amba zwone. Muḽoro u a kona u vha sumbedza zwithu zwine zwa kho ḓo u itea, zwo ralo ndi zwavhuṱhogwa uri vha divhe uri u amba mini. Zwine zwa itea nga mannḓa ndi zwauri muḽoro u sumbedzisa uri vhafhasi vha khou lingedzau amba na muthu. U dzulela u vha na miḽoro I si yavhudi a zwongo luga ngauri zwi vha zwi khou sumbedzisa khombo. Huna zwinwe zwine vhathu vha tenda khawo zwauri arali muthu a tevhedza zwine vhafhasi vha khou muvhudza nga miḽoro, u a vha wa mashudu vha mutsireledza kha khaedu dzoṱhe dzine a nga ṱangana nadzo. Arali vha ita zwothe zwine zwa khou oḓea, miḽoro yavho itea u sumbedzisa uri vho fhenya zwikonḓaho.
- Arali vha ḽora vha tshi khou lwa na sivhara tshavho kana o vha furalela, zwi nga vha zwi tshi khou amba uri sibara tshavho o vha shumisela mushonga. Fhedzi arali vha ḽora vha tshi kho u murwa u swika vha thi mufhenya, vha vha vho fhenya zwothe zwine a nga a tshi khou vha shumisela, na mishonga ye a vha a tshi khou vha shumisela I nga si tsha shuma.
- Arali vha ḽora vha tshi khou lwa na muthu ono vha fhenya, ṱhalutshedzo yahone ibva khauri ndi mbeu de ine vha khou lwa nayo kana muthu ane vha khou lwa nae. Arali vha munna vha fhenyiwa nga mufumakadzi kana vha mufumakadzi vha fhenyiwa nga munna, vha vha vha tshi khou lwa na tshipuka tshine a vha tshivhoni nahone tshipuka tsha hone mbeu yatsho yo fhambana na ya muthu ane tsho rumelwa ene. Fhedzi arali vha ḽora vho kunda hoyo muthu zwiamba uri vho vha fhenya vhathu vhane vha khou lwa navho na kha vhutshilo ha shangoni. Vhanwe vhathu vha ya vha vha mashudu vha kona u zwivhona uri ndi tshipuka tsho rumeliwaho ngauri tshi a shunduka tshivhumbeo, arali vha tshi rwa muḽoroni tshia shanduka tsha vhonala sa ṅwana wavho kana munwe wa shaka ḽavho. Arali vha isa phanda na u tshirwa tshi a dovha futhi tsha shanduka tsha vha tshipuka. Arali vha tshi rwa u swika tshi tshi lovha, vha vha vho kunda nahone tshi nga si tsha vha dina naluthihi. Miḽoro yo ralo-ho vha nga I pandela nga mishonga ya sialala kana thabelo arali vha muthu ono tenda kha thabelo.
- Arali vha ḽora nnḓu I tshi khou fhaṱiwa, zwi nga vha zwi khou amba zwithu zwo fhambanaho. Arali vha ḽora nnḓu I tshi khou fhaṱiwa nga tshipidi kana I tshi khou ṱavhanya u fhela zwi nga vha zwi tshi khou amba uri huna muthu o no kho ḓo u lwala muṱani, fhedzi arali vah ḽora I tshi kwashekaniwa ahuna vhulwadze vhune ha ḓo vha hone. Arali vha dzhia zwishumiswa zwo shumiswaho u fhaṱa nnḓu vha kwashekana nndu zwi amba uri vho kunda vhulwadze kana zwinwe zwithu zwi si zwavhuḓi zwe zwa vha zwi tshi khou ḓo itea kha vhone kana munwe wa shaka ḽavho.
- Arali vha ḽora vho xelelwa nga thundu yavho nahone vha tshi khou kundelwa u I wana kana vho hombokiwa zwinwe zwithu vho zwifara nga zwanga, u nga vha u malaedza u kwamanaho na mashudu avho. Tshinwe tshifhinga u a ḽora wo fara zwiṅina zwivhili tshandani tshavho fhedzi vha xedza tshithihi. Kana gunubu dza zwiambaro zwe vha ambara dza xela vha balelwa u dzi wana. Arali vha ḽora miḽoro yo ralo-ho u ya fhedzisela wo zwiwana zwewa xedza kana wa pfa ipfi li tshi khou ḽi tshi ri “khezwi,” zwi amba uri vho fhenya muvhi we a vha a tshi khou toḓa u vha dziela mashudu avho.
- Vha nga ḽora nga munwe muthu a tshi khou vha itela zwithu zwivhi nahone a sa todi na u vha sedza maṱoni. Vha nga vha vha swiswini, tshinwe tshifhinga vha ya amba navho vha vha vhudza na zwithu zwivhi zwine vha khou ṱoda u vha ita na uri ndi ngani vha tshi khou ṱoda u vha ita zwenezwo zwithu. Tshinwe tshifhinga hoyu muthu u vha a na mannda o no khou bva kha mishonga ya vho maine,na vho maine vha tshi khou vha vhudza uri vhafhasi vha khou vha tsireledza. Fhedzi hoyo muthu anga vha vhudza uri maano awe ha khou shuma na mishonga ya vho maiine na vhavhasi aina mannda. Zwa vhuya zwa itea nga u ralo hoyo muthu a hu tshena tshine ado dovha a ita ngauri mannḓa awe avha o fhela.
- Arali huna muthu ono khou seisana na mufunwa wavho, vhone vha ḽora ngavho vha tshi khou vha kolela, zwi nga vha zwi tshi khou amba uri vhone vha khou shumiseliwa mushonga. Fhedzi arali vha ḽora vha khou lwa na hoyu muthu vha mufhenya, vho fhenya zwothe, mimuya mivhi na mishonga ye vhone vha vha vha tshi khou shumiseliwa I nga si tsha.