U lora zwisusu zwi nga sumbedza masia o fhamba-fhambanaho a vhushaka, milaedza ya muya, na nyaluwo ya muthu nga eṱhe.
Mivhala na zwine ya amba zwone
- Tshisusu tshitshena tshi nga amba uri ni ḓo fhaṱutshedzwa tshifhingani tshi ḓaho, ni ḓo dalelwa nga vharuṅwa, kana uri Mudzimu o pfa thabelo dzaṋu nahone u ḓo dzi fhindula. U fanela u khwaṱhisedza uri u kha vhuimo ho teaho u itela u wana phaṱhutshedzo.
- Tshisusu tsha thophi tshi nga amba uri miḽoro yaṋu i ḓo bvelela fhedzi ni fanela u ṱola vhathu vhane vha vha tsini na inwi sa izwi vha tshi nga ni thithisa.
- Tshisusu tshitswuku tshi nga sumbedza khombo na thaidzo.
- Tshisusu tsha mivhalavhala tshi nga amba uri ni nga vha kha vhushaka ha lufuno kana na fhaṱutshedzwa nga mbingano. Zwi nga dovha zwa amba uri muthu u ḓo ṋekedza tshifhinga tshawe u itela u ni takadza.
Vhutshilo Vhu Takadzaho
U lora u vhona tshisusu tshi tshi khou fhufha zwi nga amba mashudu na u fushea vhutshiloni hau. U vhona tshisusu zwi nga amba uri ni ḓo wana mafhungo ane a ḓo ni takadza. Tshisusu tshi nga sumbedza fulufhelo, u bvelela na mvelaphanḓa. Arali wa lora zwisusu zwi tshi khou awela kana u kavha kha maluvha zwi nga sumbedza mulalo, u bvelela na u kona u ḓi ṱuṱuwedza kha zwiimo zwi konḓaho.
Vhushaka na Lufuno
U lora zwisusu zwi nga amba uri u do wana muthu ane a do u funa zwa vhukuma na uri vhushaka hau na vhathu vhane vha vha tsini na iwe vhu do vha ho naka, ha mulalo na lufuno. Zwisusu zwi tshi fhufha zwoṱhe zwi nga amba uri hu na u fulufhedzana na lufuno vhukati haṋu na mufarisi waṋu. Tshigwada tsha zwisusu zwi nga amba uri ni fanela u ita mulalo na u litsha u ṱaṱisana vhukati haṋu na vhane na vha tsini navho.
Tsireledzo na u sumbedziwa ndila
U lora wo tingeledzwa nga zwisusu zwi nga amba uri vhathu vha ḓo u tsireledza kha u vhaisala muvhilini na muhumbuloni. U wela ha tshisusu kha inwi zwi nga amba uri vharuṅwa vho ni ḓisela fulufhelo na lufuno na uri ni ḓo wana thikhedzo ya miḽoro ine na vha nayo ya vhutshilo haṋu. U wela ha tshisusu kha ṱhoho yaṋu zwi nga amba u ṋewa vhuṱali ha u sedzana na zwiimo zwine na khou sedzana nazwo.
Ṱhalutshedzo dzi si dzavhuḓi
Arali na lora zwisusu, zwi nga amba uri ni khou ya u fheṱiwa nga muthu ane na mu fulufhela. U lora tshisusu tshi tshi khou fhufha kule na inwi zwi nga amba uri huna vhushaka vhune na vha naho vhune ha do fhela, zwi nga vha lufuno kana vhukonani. Tshinwe tshifhinga zwi nga amba uri miḽoro yanu a i nga do bvelela.
Arali na lora no vhulaha tshisusu zwi nga amba uri ni do tangana na thaidzo kha vhushaka hanu kana mbinganoni yanu. Arali na lora tshisusu tshi tshi ni luma na pfa vhuṱungu zwi nga amba uri mufarisi/mufunwa waṋu u ḓo ni shonisa na u ni vhangela vhuṱungu.