U lora nḓuhu kanzhi ndi tshiga tshavhuḓi tshine tsha nga amba uri u na vhutshilo havhuḓi na u vha na mutakalo wavhuḓi, zwi nga dovha zwa amba mashudu na uri hu na zwikhala zwavhuḓi zwa uri u kone u swikelela miḽoro na pulane dzau tshifhingani tshi ḓaho.
U ḽa Nḓuhu
Arali wa lora u tshi khou ḽa nḓuhu, zwi nga vha tshiga tsha mutakalo na mvelaphanḓa arali dzi tshi khou ḓifha, na tshiga tsha u ṱungufhala na vhulwadze arali dzo no vha dza kale kana dzi tshi vhavha. Arali mufumakadzi a lora a tshi khou ḽa nḓuhu, zwi nga amba uri u ḓo shudufhadzwa nga mbingano yo takalaho na vhumatshelo vhu takadzaho.
U lora u tshi khou ḽa nḓuhu dzo no fhelaho kana dzo sinaho zwi nga amba uri u ḓo fheṱiwa nga vhathu vhane vha vha tsini na iwe. Arali na lora ni tshi khou pfa nḓuhu dzo sinaho zwi nga vha tshiga tsha uri ni fanela u litsha u vhea fulufhelo ḽaṋu kha muthu ane na sa mu ḓivhe zwavhuḓi.
Arali ni mufumakadzi ane a vha kha vhushaka ha lufuno nahone ni sa athu malwa nahone ni tshi lora nḓuhu zwi nga amba uri ni fanela u lavhelela tshanduko dzavhuḓi na dzi takadzaho kana ni ḓo thoma vhushaka vhuswa hune na ḓo farwa zwavhuḓi.
U ṱanganedza Nḓuhu
Ndi zwavhudi arali na lora muthu ane na mudivha a tshi ni fha nḓuhu nahone vhe muthu wavhuḓi a re na ndivho dzavhuḓi ane a ni ṱhogomela na u ni funa. Fhedzi arali na fhiwa nḓuhu nga muthu ane na sa mu ḓivhe, zwi nga amba uri ni na muṱaleli ane a ofha u ḓibula fhedzi hu si kale u ḓo bvelela.
U kaṋa Nḓuhu
Arali wa lora u tshi khou kaṋa nḓuhu ndi tshiga tshavhuḓi tshine tsha nga amba uri u ḓo vhona mbuyelo kana mvelelo dzavhuḓi, fhedzi nga murahu ha musi wo no shuma nga maanḓa na u ḓiimisela kana u konḓelela. Arali wa lora u khou gwa nḓuhu wa bvisa maṱari hezwi zwi nga amba uri u ḓo fhedza tshifhinga tshinzhi na maanḓa u tshi khou shuma kha u ita uri miḽoro yau i bvelele fhedzi u ḓo bvelela mafheleloni.
U lora u vhona nḓuhu zwi nga amba u wana zwibuli zwiswa, zwi ngaho mushumo. U lora muri wa nḓuhu zwi nga sumbedza vhuthihi na lufuno vhukati ha miraḓo ya muṱa, fhedzi muri wa nḓuhu wo omaho u nga amba u sa anḓana na u fhandekana ha muṱa.