Arali na lora ni tshi khou vhona kana u nukheliwa nga mirundo kana tshika, zwi nga amba uri muṅwe muthu u khou ni lowa. Musi munukho u tshi nana u nukha nga maanḓa muloroni, zwi amba uri muthu ane a khou ni lowa mushonga une a khou shumisa u khou shuma nga maanḓa. Ni tea u ya ha Maine wa sialala u wana thuso.
U lora nga ha Tshika dzine dza bva muvhilini/ Biko kana Mare
U lora ni tshi ṱambuluwa zwi nga amba uri hu na vhulwadze vhune Vhadzimu vhaṋu vha khou vhu bvisa kha inwi, he ha vha tshiṅwe tshe na vha ni tshi elekanya uri tshi ḓo vhea vhutshilo haṋu khomboni, kana ho vha hu na nyimele dzi konḓaho dze na vha ni tshi khou ṱangana nadzo dzine na ḓo vhofhololwa khadzo. U lora no ḓinukadza nga tshika zwi nga amba uri hu na muṅwe ane a khou ni shumisa vhuloi u sika u sa pfana vhukati haṋu na mufarisi waṋu. Arali na lora ni bungani kana nduni thukhu hu nga vha huna muthu ane a khou zama u lwisa mannda anu kha zwine na ita nahone Vha khou lingedza uni fhenya. Tshiṅwe tshifhinga u lora nga ha nndu ya tshitamba zwi nga amba uri hu na vhathu vhavhi vhane na tea u ḓikhetha khavho u itela uri ni aluwe lwa muya/ tshimuyani. U lora nga ha tshika dzi no bva muvhilini zwi nga amba uri muṅwe a re tsini na inwi o vhifha muvhilini kana o xelelwa nga thumbu i sa thu beba nahone u tea u kunakiswa na u vha na mushumo wa sialala wa u tanzwiwa hu u itela ṅwana we a xelelwa ngae uri vha tumanululiwe mimuya yavho.
U lora nga ha Murundo
U lora musi muthu a khou runda zwi nga vha tsevho kha inwi ya uri ni khou tea u vuwa ngauri dundelo lo dala nahone ni khou ṱoḓa u runda. Izwi kanzhi zwi itea kha vhana vha no khou aluwa vhane vha nga ḓi runda musi vha tshi eḓela. U lora nga ha u runda tshiṅwe tshifhinga zwi nga amba uri muṅwe o vhifha muvhilini kana o vhifhisa muṅwe muvhilini. A nga vha muṅwe a re tsini na inwi, kana inwi muṋe. U lora uri ni khou ḓirundela nahone zwiambaro zwaṋu zwo nukala zwi nga amba uri huna muṅwe ane a khou ni lowa a na muhumbulo wa u toda u tshinyadza vhushaka haṋu na muthu ane na khou funana nae.