U lora nga ha funguvhu kanzhi ndi tshiga tshavhuḓi vhukuma. Zwi nga sumbedza mashudu kana uri hu ḓo itea zwiṅwe zwithu zwavhuḓi kha inwi hu si kale. Arali na lora funguvhu li tshi khou vhea makumba, hezwi zwi nga amba uri mvelaphanḓa i khou ḓa kha inwi, na uri hu na vhukoni he Mudzimu a ni shudufhadza ngaho vhune ha ḓo ita uri ni bvelele.
Kha vhathu vha mabindu, u lora funguvhu zwi nga amba uri mabindu au a do shuma zwavhudi. Tshinwe tshifhinga zwi nga amba uri unga kona u bindudza kha mabindu ngauri u do wana mbuelo.
Nyambedzano na vhafhasi
U lora funguvhu zwi nga amba uri mimuya ya makhulukuku waṋu i ṱoḓa uri i itelwe zwiṅwe zwithu. Tshinwe tshifhinga zwi amba uri wo tsireledzwa nga vho makhulukuku wau. Arali na lora funguvhu li tshi khou ni shavha, hezwi ndi tshiga tshivhi, zwi nga amba uri muya wa makhulukuku waṋu wo ni sinyutshela kana wo ni furalela. Arali na lora ni tshi khou tovholwa nga funguvhu kana li tshi khou ni ṱhasela, zwi nga sumbedza nyofho kana u sa ḓifulufhela, zwine zwa ḓo ni vhuyedzedza murahu vhutshiloni.
Tsevho
Arali wa lora u vhidzelela ha funguvhu, hezwi zwi nga amba uri u fanela u ṱhogomela vhathu vhane vha vha tsini na iwe, hu na zwithu zwivhi zwine zwa khou ḓa kana hu na zwine zwa khou ita uri u pfe wo tsikeledzea, kana vhathu vha khou u ṱaṱa, na u amba zwivhi nga ha iwe.
U lora funguvhu zwi nga amba uri u fanela u amba arali huna zwine zwa khou u dina. Zwi nga amba uri luambo lwaṋu na nḓila ine na amba ngayo zwi na maanḓa a u shandula vhutshilo hanu.
Tsireledzo na u bvelela
Arali na lora funguvhu i tshi khou fhufha u itela u ṱuwa kha zwipuka zwine zwa khou lingedza u i vhaisa, zwi nga amba uri Mudzimu u khou ni tsireledza kha zwithu zwoṱhe zwivhi na zwithu zwine na zwi ofha. Tshinwe tshifhinga u lora funguvhu zwi nga sumbedza dakalo kana mulalo kha vhushaka hanu na uri ni do shumisana uri miḽoro yanu i bvelele. Arali wa lora funguvhu i tshi khou tshimbila nga zwigwada, zwi nga amba uri u fanela u ḓi ṱanganya na vhathu vhane vha vha na miḽoro i fanaho na yau, na u shuma navho.