He dzi ndi Nḓou dza ha Tshiavha Tsha Lidovho, vhunzhi ha vhathu vha ulu lushaka a vha shumisi tshifani tsha ha Nḓou fhedzi vha shumisa ṊeTshiavha, Ṋdou vha i shumisa kha mutupo vha tshi ḓi renga.
Vho bebwa tshiṱangani tsha vhuhosini tsha ha Nḓou ngei Lidovho fhedzi vha tshi phadalala vhanwe Vha tshi ya kha minwe mivhundu vhone vha si tsha shumisa tshifani tsha tshitangani tsha vhuhosi. Ndi munwono mubikwa na ive, munwono a sala.
Ndi Nḓou Ṋetshiavha, tshiavha tsha mulowa ndila, tsho no pfi tsho lowa na mufhiri wa gondo. Vha salaho vha ya ofha mathada. Vha Ṋetshiavha vha na muvhundu wa Vho u nopfi Ṋetshiavha wo riniwaho dzina nga murahu ha musanda Vho Ṋetshiavha musi vha tshi bva dzavho tshiṱangani tsha vhuhosi vha ya vha dithomela lwavho lutsinga.
Vhathu Vho no shumisa tshifani itshi tsha ha Ṋetshiavha a Vho ngo ḓalesa sa vhunga vhunzhi Vho hanelela kha u shumisa tsha ha Nḓou, vhanzhi vhari lutsinga ulu lwa ha Nḓou lu tshi phaḓalala ndi nga murahu ha musi vhana Vha musadzi vha tshi thoma u lwelwa tshidulo, vha vhuhosi na khoro tshitumbe, zwa ita uri vha phadalela u ya nga madzina avho.
Ṋetshiavha ndi dzina ḽa muthu we a ḓo vha a tshi pfi Ṋetshiavha Nḓou fhedzi hu tshi vuwa pfiri pfiri ari vha ne vha vha vha mbeu yawe a vha nga shumisi tshifani tsha ha Nḓou fhedzi vha ḓo shumisa Ṋetshiavha sa vhunga izwi hovha hono vuwa dzi khakhathi afho muṱani wa vhu hosini wa ha Nḓou.