Go apaya ka lonao – Go nna o etela batho go re o je kwa teng; go ikanya go fiwa fa motho a etile.
Go baba lonao – Go rata go tsamaya bobe kgotsa go eletsa go kgarakgatshega.
Go di kapa – Go tagwa; go nwa bojalwa go feta selekano.
Go di tlhaolela di bekerwe – Go tsaya kgato go setse go le thari kgotsa go leka go kganela selo se setse se diragetse; Go thanya lemapo le le
tsebeng.
Go direlwa fela o se naga – Go neelwa dilo motlhofo kgotsa go se direle dilo tsa gago.
Go tlhaba podi matseba – Go itsese; go tlhalefisa motho.
Go tsena ka lenga la seloko – Go nyelela.
Go tshosa magotlo – Go rota kgotsa go ntsha motlhapo.
Go tsena motho ganong – Go bua motho yo o mongwe a sa ntse a bua; go ganetsa se motho a se buang a ise a fetse se a se buang.
Go nna disanyana – Go seka; go nnela kgang mo puisanelong.
Go ipala mabala a kgaka – Go ikopela lorato.
Go isa marapo go beng – Go robala.
Go isa nonyane Borwa – Go dira tiro e e sa tlhokagaleng
Go isa phuduhudu bosarwa/kgalagadi – Go isa selo ko se leng sentsi teng.
Go batla ngwetsi – Go batla ngwetsi.
Go nna makgabe-a-dipapetla – Go itlhaganela thatathata.
Go nna malao a tshwenyo – Go robala o pitokologa thata. Go khediega mo borokong.
*Go apaya dikgobe – Go tlarubisa melomo le go rata go lela. Go nna sebeto.
*Go apaya pherere – Go nna mo mathateng/dipharagobeng.
Go apeela noko le mala – Go tlhakatlhakanya dilo.
*Go ntshana se-inong – Go ratana mo go feteletseng.
Go atlenegelwa ke sebaka (nako) – Go siamelwa ke dipaka.
*Go baya diphologolo thipa-tshweu sebeteng – Go bolaya le go buwa diphologolo.
*Go baya fa molomung – Go lekeletsa.
*Go baya fa ntshung – Go ja go le gonnye thata; Go tshwara mowa.
*Go baya motho letsobego – Go mo meletsa mathe a go mo utlwisa botlhoko.
Go rata batho jaaka tlala – Go ba rata sewelo.
Go rekela kolojane kgetseng – Go tsaya selo o sa se sekaseka mme e re o se tlhatlhoba, o fitlhele se sa siama.
Go baya mepepeneneng – Go baya pontsheng. Go tlhagisa selo mo pepeneneng.
Go baya thipa selepe – Go ikana fa o ka se kitla o dira selo.
*Go batalatsa dintshi – Go robatsa mmutla; go robala go le gonnye.
Go beeletsa motlhatswa ka tshega – Go itshupa ka bojotlhe fa selo e le sa gago.
Go bona ka bobi ba segokgo – Go bona ka bosesane/lotsatsa.
Go bona ka letshotshwa – Go bona selo ka tshoganyetso fa go sa solofelang ope.
Go bona phiri wa mmotlana – Go bona motho bobotlana; go pataganela.
Go bonela yo mongwe letsatsi pele – Go tsalwa pele ga gagwe.
Go diga dibete – Go iketla.
Go tla kgomo di bolotse – Go goroga morago ga nako e e beilweng.
Go tlhaba-tlhaba mpa ka mmutlwa – Go nna mo boitapolosong bo bogolo le boitumelo.
Go direla motho e se nama – Go direla motho ditiro tsotlhe ene a kwaraletse ka ntlha ya botshwakga (bobodu).
Go tlhaloganya ditlhaha le tlhogo – Go farologanya dilo tse di tshwanang gongwe batho ba ba ratanang thata thata.
Go epa pitso – Go bitsa phuthego; go bitsa bokopano.
*Go fapha ka mogano – Go supela; go tlhomamisa.
Go tsamaya le lorole – Go tlhoka maitsetsepelo; go tlhoka go ikakanyetsa.
Go ferosa dibete – Go batla go kgwa (tlhatsa). Go tenega.
Go fetoga phuti boloko – Go nna seriri.
Go fetsa pelo – Go fetsa maikaelelo. Go diga mowa wa motho ka go dira selo se se mo tenang.
Go hupa tedu – Go ngala. Go kgopisega.
Go tswa lefetwa – Go fetoga lekgarebe le le fetilweng ke lenyalo; go tlolwa ke lobaka lwa go tsewa.
Go ikgata monwana wa kgwenthe – Go tsamaya go le gonnye thata.
Go ikodisa dibi – Go itshenkisa selo osa se itse; go ipatlisa gotswana la phiri.
Go ipatlisa gotswana la phiri – Go batla se o sa se itseng; Go ikodisa dibi.
Go ipelela tsie e fofa – Go itumelela selo o ise o se amogele. Go ikanya selo o ise o se tsholo ka diatla.
Go iphera mo molaong – Go itlhokomolosa molao.
Go isa nonyana borwa – Go fa motho dilo tse a di humileng.
Go ithama ka mafoko – Go itshwara ka se o se buileng; go rema kwa le kwa le go ipofelela ka puo.
Go itaya ka kwano – Go fosa paakane.
Go itaya mathe – Go ja go le gonnye kgotsa itisa ka sejo se sennye.
Go itewa ke setshwane – Go swaba; go tlhajwa ke ditlhong.
Go supa letsatsi – Go ikana.
Go loma legwetla – Go ja maungo a letlhabula.
Go neela tshwene marapo – Go robala.
Go isa marapo go beng – Go robala.
Go tshwara ke kgofa – Go thulamela ka boroko. Go tshwarwa ke boroko jo bosesane.
Go ijesa dijo tsa ditoro – Go ipela ka se o ka se keng wa se bona.
Go itaya mathe – Go nna le tsholofelo; go eletsa gore selo se nne jaaka o batla.
Go tshwara legaba – Go ja go le gonnye. Go tshwarisa lela ka sejo se sennye.
Go boa ka ngobana e sa fotlhwa – Go sa atlege.
Go kopa sego sa metsi – Go batla ngwetsi.
Go lomana dirota – Go tlhatlhamana ka matsalo.
Go rwala masigo ka tlhogo – Go tsamaya go sa le phakela.
Go ja ditlhare ka meno – Go tsenwa.
Go tshosa dipeba – Go rota. Go ntsha motlhapo.
Go fatlha magotlo – Go rota. Go ntsha motlhapo.
Go ema seema – Go rota. Go ntsha motlhapo.
Go nesa pula – Go itumela.
Go paralela molapo – Go se nne le tlhomamo.
Go tlhapisa masori – Go lebogela dimpho tsa setlogolo ke malome.
Go lesa dikoko di ja momela – Go nna o sa ikgabetsa.
Go ja ka meno a maleele – Go sisimoga dijo.
Go nna dinala di metsi – Motlapa; setshwakga.
Go nna mariba a kgokong – Go boitshega; go sakgala. Go tlhajwa ke ditlhong.
Go ema meno-makitla – Go gamarega.
Go sosobana moriri – Go boifa.
Go lepeletsa ditsebe – Go swaba.
Go itoma sankatle – Go ikaelela. Go ikanela selo.
Go jewa ke sekgalo – Go sotlega.
Go katoga monyo – Go nna moleele.
Go konopela lentswana morago – Go ela ruri.
Go gatisa legala – Go gaisa.
Go baba lebadi – Go belaela gore o tla diragalelwa ke sengwe se se bosula.
Go simega kolobe ka botlhale – Go dira selo ka botswerere jo bo sa lemosegeng.
Go tlhapa diatla – Go intsha mo kgannyeng.
Go phophotha diatla – Go rapelela.
Go jewa diatla – Go direla lefela.
Go betwa ke pelo – Go tenega.
Go tlhapisa pelo – Go itumedisa.
Go nna pelo tshweu – Go itumelela sengwe.
Go ongwa ka logare o bo o beolwa ka lona – Motho a gakololwe ka ga selo, mme e re ka go sa reetseng dikgakololo, se bo se mo diragalela.
Go bipa mpa ka mabele – Go sireletsa wa ga eno le mororo o ne o tshwanetse go mo otlhaya. Go fitlha kgang le go e apesa ka maaka to thiba nnete.
Go nna mabogo-dika – Go patlapatla. Go dira tiro ka mabogo oomabedi.
Go itewa ke tshikare – Go ikutlwa mo mading gore sengwe se se bosula se tlaa go diragalela. Go itewa ke letswalo.
Go sega tsebe – Go tlhabisa ditlhong. Go feta motho ka tema.
Go betsa namane ka monwana – Go bopamisa namane ka go gama mmaayone thata/phetelela.
Go ja kgobe – Go lebana mo matlhong nako e telele, lo sa bone.
Go amusa dipotsane – Go otsela.
Go iphara mo molaong – Go tlhokomologa molao.
Go ya legofegofe – Go ela ruri; go ya bokgwelwa.
Go nna podi matseba – Go nna o ipaakantse; o sa itebala.
Go itoma sekgokgono – Go dira se se ka keng sa dirwa ke ope.
Go ja di welang – Go nna tapologong, boiketlong.
Go ja mmamodikwane – Go dikologadikologa go fitlhela o tsewa ke sedidi; go dikologa o bina tantshe.
Go ja meepelane – Go bina le go goa ka boipelo.
Go ja mokaikai – Go nna o kgarakgatshega le naga.
Go ja mokaragana – Go tshameka ka go siana le naga; go tshameka ga basimane le basetsana jaaka dinamanyana.
Go ja nala – Go etela batho ba bangwe.
Go ja ntshwakgo – Go lemala; go tshwakgoga; go nna o dira se o tlwaetseng go se dira.
Go ja ping – Go tlhoba motho mo letlhalong ka dinala e le go mo utlwisa botlhoko jo bonnye.
Go ja tlhogo – Go akanya thata.
Go kalakatla jaaka kgomo ya mariga – Go etsaetsega; go kgarakgatshega.
Go kgadisa motswetsana – Go khutlisa kwa poloka e tswang teng. Go kgadisa motswedi wa dikuno tsa yo motho yo mongwe – Go itsa motho go ungwelwa ka go emisa go mo tlamela.
Go kgweetsa dipotsane – Go thetheekela ka ntlha ya go tagwa.
Go kgaola molebo wa nko – Go senyetsa motho maikaelelo.
Go kgola lenaka la tholo – Go dira tiro e e bokete.
Go kgora ka mpa tsoopedi – Go ja le go tlatsa mpa thata.
Go kgwa manga – Go tlhoboga; go ikotlhaya.
Go kgwa mathe (lethe) – Go bakela go dira selo.
Go kopanya theko – Go dikanyetsa.
Go kopa tsela – Go kopa tetlelelo ya go tsamaya.
Go kotlamanya mmele – Go boifa; go tshaba; go sisimoga.
Go kwaaralala dinala – Go nna setshwakga.
Go lala ka lobadi – Go lebala le go itshwarela.
Go leka ka la ga Moše – Go tsamaya ka dinao.
Go lelela kgama le ba mogogoro – Go latlhegelwa ke dilo tse pedi ka nako e le yosi ka ntlha ya go gaba se sengwe mme o itlhokomolosa sengwe.
Go lema lopetleke – Go tshela kwa ntle ga kgoreletso.
Go lemosa tlholwe moole – Go fatlhosa motho ka selo se a ntseng a se itse gale.
Go lemotsha tholo mowela – Go tlhalefisa lesilo.
Go loma ka meno – Go dira tiro ka bobotlana; go tlhoka bathusi.
Go loma molomo wa tlase – Go leka bojotlhe ba gago.
Go loma ngwaga – Go ja maungo a ntlha a ngwaga.
Go longwa ke noga maoto mabedi – Go nna bonya ka go dira dilo e kete o a ikgoga.
Go metsa mathe a le bolelo – Go eletsa thata.
Go mutlha pudi tse pedi – Go leka go dira ditiro tse dintsi ka nako e le nngwe.
Go na modiga – Go tewa pula ya medupe e e digang makotswana; go itshwarela; go nna kagisong.
Go naya ntšwa tlhong – Go tlhoka ditlhong.
Go neelela ka thibadimolekane – Go loa ka setlhare se se itsang go huma lefa motho a ka bapala jang.
Go ngoba – Go bolola mo gae letsatsi le ya go phirima.
Go nna ka mabogo – Go tlhoka tiro; go tshwakgafala.
Go nna makgabe-a-dipapetla – Go itlhaganela thata; go ša pelo.
Go nna matlhomatlho – Go tewa lekolwane kgotsa lekgarebe fa le kgatlhwa ke bontle ba makgarebe kgotsa makolwane, ka go latelana.
Go nna motsoko wa bo mmankgodi – Go tlhoka mosola.
Go nna phatsana ya modulaesi – Go tshaba go dira, go tswa setshwakga.
Go nna tlhogo – Go nna botlhale.
Go nona pelo ka mathe – Go nna mo tsholofelong thata.
Go ntsha ditlhogo – Go abela malome wa gago.
Go ntsha matlho – Go gola le go tlhalefa.
Go ntshana se se mo inong – Go ratana mo go feteletseng.
Go ntshetsa mabogo-mabedi – Go amogela ka pelo e tshweu.
Go nyera marapo – Go tsielwa; go bisa go itse se o ka se dirang.
Go nyoba – Go kolobetsa ka go gasagasa ka metsi. Go fafatsa ka metsi.
Go opa mokgosi – Go gowa.
Go otlhela monwana – Go golola yo o molato ka tlhagiso le kutlwanelo ya basekisi.
Go phoka lefulo – Go ntsha lefulo; go bela ka go dira lehulo (bojalwa) gongwe moriana o o fetlhwang.
Go phunyetsa pudungwane dintsi – Go bulela mmaba phatlha.
Go rakanela mo letlalong la kgomo e ntsho –Go kopanela le yo o ilanang nae kwa phitlhong ya mongwe wa losika la lona loobabedi.
Go reba legala – Go fokotsa kgalefo.
Go roba maoto – Go itapolosa; go nna fa fatshe go se kae.
Go rwala masigo ka tlhogo – Go lala o tsamaya le bosigo; go phakela ka makuku a magolo go sa ntse go robetswe.
Go thuba kobo segole – Go nna boiketlong, kagisong, monateng.
Go tlosa lekwitikwiti – Go alola; go lelekisa.
Go tobekanya tlhaloganyo (mogopolo) – Go bisa go akanya sentle.
Go tsaya tsiya – Go tlhokomela.
Go tshwarwa ka nenekwane – Go tshwarwa e seng ka maatlametlo; go tshwara ka matepe le go sa kgathaleng.
Go tswa mokola – Go tswa madi ka dinko.
Go rwala tlhogo – Go etelela pele.
Go sera pelo – Go tlhodia ka sebaka se seleele.
Go setela yo mongwe dimapo – Go mo ikanela; go mo thelelela thupana letshotelong.
Go sibolola ditshoka – Go ntsha motho bosilo ka go mo itaya.
Go sisa pelo – Go nna o hehesela mowa wa phegelo o tlalelana.
Go sugela ngwana thari mpeng – Go bala dikokwana di ise di thubiwe; go ipalela selo se ise se diragale.
Go thaakanya tsebe – Go reetsa sentle kwa modumo o tswang teng.
Go thiba ka madi jaaka mmutlwa – Go itlhaganelela go naya lebaka go iphalosa mo molatong.
Go tla motho mosogotlho – Go feta gaufi thata le motho.
Go tlhaba – Go tseela lesika la gago sengwe.
Go tlhaba kgobe ka mmutlwa – Go nna mo boitapolosong jo bogolo le boitumelo.
Go tlhakanya molomo le nko – Go šakgala mo go tlhakaneng le go ngala.
Go tlhaloganya ditlhaha le tlhogo – Go farologanya dilo tse di tshwanang gongwe batho ba ba ratanang thata
Go tlhoka motho mafoko – Go kgopela yo mongwe. Go ngalela yo mongwe.
Go tlhoma leitlho – Pelaelo ya selo sengwe.
Go tlhaloganya lelwapa – Go alafa lelwapa, kgotla kana lebatla.
Go tlosa dinao – Go itlhaganela. Go simologa ga tiragalo.
Go tlosa phala letsoku – Go abela mohumi ba mabele, mabele; go tshwaela mohumi wa dikgomo, dikgomo.
Go tsamaya le lerole – Go tlhoka go ikakanyetsa.
Go tlhoka maitsetsepelo – Go tlhoka go ikakanyetsa.
Go tsamaya ka mpa – Go nna makgasa ka go tlhoka diaparo.
Go tsaya mmu ka marapo – Go swaba; go tlhabisiwa ditlhong.
Go tseelana molelo – Go nna mmogo ka kagiso; go utlwana.
Go ikaba motlatla – Go tlhoka go ora letsatsi le go tlhabetse; Go sa ithuse fa o thusiwa. Go sa dirise tshono e tswa o e filwe.
Go itsalanya le setlhare – Go ema ka setlhare le go nna o itiketsa ka sone go iphitlha.
Go ja hularelabeno – Go itebatsa legae.
Go kgerisa yo mongwe – Go itshupa marapo ka go mo roma se se sa tshwanelang; go tshwenya thata.
