Maele ka ga boferefere

  • Go akga loleme – Go bua maaka kgotsa go raraga leleme fa o bua kgotsa go gakagana fa o sa bue boamaaruri kgotsa go buabua dilo kwa bathong ba sele. 
  • Go apeela thukgwi le mala – Go tlhakatlhakanya dilo – go tshwara ka meno. Go tshwara bothata 
  • Go baya bobi matlhong – Go tsietsa – go fora.  
  • Go bipa mpa ka mabele – Go fitlha sephiri (bogolo jang e le go sireletsa motho yo o mo ratang); go falotsa mongwe. 
  • Go jaka ka loleme – Go natefelelwa ke dipuo tsa merafe e sele – o bo o bua jaaka bone. 
  • Go loma tsebe – Go sebela; go bolelela motho sephiri o mo tshepile. 
  • Go nna ditsebe di telele – Go rata mafoko a a sa go ameng. 
  • Go nna nta ya selomela kobong – Go nna letsipa. Go nna lemenemene/leferefere. 
  • Go ja motho direthe – Go seba mongwe; go bua motho maswe a sa itse. 
  • Go epela mongwe lehuti – Go mo senkela melato le dipitlagano ka boferefere. 
  • Go itlantla loleme – Go tlhoka mafoko a a supang bonnete 
  • Go rothisa mmutla madi – Go bua sephiri; go feteletsa puo ya sephiri o sa tshwanela. 
  • Go itshela/nna moriti o tsididi – Go itira yo o sa itseng sepe kgotsa go sa tshwenyegeng.  
  • Go thelelela motho thupana letshotelong – Go lepa motho mo puong go fitlhela o mo tshwara ka mafoko gongwe ka sengwe fela. 
  • Go thibela phiri serobe – Go lalela motho ntekwane ene a dule, a tshabile. 
  • Go tsena leroleng la dikatse o sena dikatsana – Go tsena kgang o sa itse tshimologo ya yone. 
  • Go anegela bosane phefong – Go ikanya motho yo o se nang boammaaruri. 
  • Go nna loleme – Go aka thata. Go bua maaka ka gale. 
  • Go nna matlho mantsi – Go rata basadi kgotsa banna ba bantsi. 
  • Go apesa kobo ka letshoba – Go jela yo mongwe leruo le dilwana o be o di fetsa ka bosetlhogo. 
  • Go palama ka mekwatla ya ba bangwe – Go huma ka go tsietsa ba bangwe. 
  • Go bua gabedi o se mogama-lesole – Go tlhoka go tshegetsa lefoko la gago jaaka mogami wa kgomo e fusitse. 
  • Go fa moswang wa khudu e tona – Go dira ka go rata fa kgosi kgotsa moetapele a se yo. 
  • Go tsenya khadi monwana – Go senya; go tlhapela dijo tsa bagolo. Go itsenya mo mathateng. 
  • Go gopola ka kgamelo – Go gakologelwa gore motho ga a yo e setse e le bogologolo; go gopolwa motho fa go jewa. 
  • Go tshwarisa logaga – Go dirisa motho tiro e e sa tlhokegeng; go fora. Go solofetsa motho selo se se se yong. 
  • Go ikana motho dikgobe – Go ikana ka leina la motho e tswa o bua maaka. 
  • Go ja ka mpa tsoopedi – Go kgora; go ja thata. 
  • Go rwalela setlhako le mmutlwa – Go aga le baba. 
  • Go ja tlhogo ya tshwene – Go bua lo le mo sephiring. 
  • Go ja motho direthe – Go seba; go bua maswe ka ga motho. 
  • Go bolaya tlhogo e ntsho – Go tsietsa. 
  • Go ja motho nko – Go garumela motho. Go galefela motho. 
  • Go nna dinala di telele – Go utswa. 
  • Go mo ela ka dinakana metsing – Go tsietsa. 
  • Go ja motho leswe – Go sala motho morago a sa go bone. 
  • Go swela logapeng jaaka khudu – Go gana go tswa ka nnete. 
  • Go baya bobi mo matlhong – Go tsietsa; go fora. 
  • Go konopa ka dipheko – Go loa. 
  • Go isa ditsebe mafisa – Go reetsa dikgang tse di sa go ameng. 
  • Go itoma loleme – Go dikadika o sa tswe ka nnete. 
  • Go fetwa ke loleme – Go bua dikgang tse di sa go lekanang. 
  • Go nna loleme lo borethe – Go tsietsa batho ka puo. 
  • Go jesa motho dijo tsa ditoro – Go fora. 
  • Go lela dikeledi tsa mathe – Go itira yo o utlwileng botlhoko mme mo pelong o itumetse. 
  • Go bopela yo mongwe kgomo ya mmopa – Go pateletsa yo mongwe molato. 
  • Go swa ka molalatlhageng – Go gana ka nnete, le fa go twe o a sokaasokwa.  
  • Go tsewa ke ga e a lala e robetse – Go ya le dikakanyo tsa ba bangwe, wena o sa dirise tsa gago. 
  • Go epela yo mongwe lehuti – Go mo senkela melato le dipitlagano ka boferefere. 
  • Go ja motho lekekema – Go tsamaya le motho o mmapisitse mme ene a sa go bone. 
  • Go ja motho setlabetsi – Go tsietsa motho le ba ba mo tsietsang. 
  • Go ja nakaladi ya kobolela – Go ja more o o fitlhela o bodule; go ja sesolo se se dirilweng ke ba bangwe. Go ja monate o o o diretsweng. 
  • Go jelwa matlho a tshwene – Go direlwa bobe ke mongwe. 
  • Go kgaola mabogo – Go itsa motho go itirela sepe. 
  • Go kgaola maoto – Go itsa motho go tsamaela kgakala ka go mo tla. 
  • Go kopa ka leleme – Go aka gore batho ba go rate. 
  • Go latswa ka loleme – Go lopela; go aketsa ka go baka. 
  • Go loga segwe – Go dira maano a boferefere go tsenya yo mongwe mo mathateng. 
  • Go nna teme-pedi o se gopane – Go fetogela mafoko a gago; go aka. 
  • Go nna mafoko ka marago – Go fitlha mafoko; go tshegetsa sephiri. 
  • Go nna matsayaayisa – Go nna molotlhanyi yo o thulantshang batho ka ditlhogo ka go ba isetsa mafoko a totlhanyo le dikgobololo. 
  • Go nna sejelathoko – Go bisa go itumelela se o se fiwang; go nna pelotshetlha. 
  • Go ntshetsa maswe a dinala – Go dira botswerere bo bo feteletseng. 
  • Go palama ka mekotla ya ba bangwe – Go huma ka go tsietsa ba bangwe. 
  • Go rata dilo tsa ga Mmanapo, Mmanapo o sa mo rate – Ke gore o ila kgogo e tswa o ja mae a yone. 
  • Go robatsa mmutla – Go itira yo o robetseng e tswa o sa robala; go tshwara boroko ka dintshi fela. 
  • Go runa nta le makgantsetse – Go jela motho le go selasela mo go ka beng go mo saletse; go humanegisa tota. 
  • Go ruta magokonyane – Go tlhalefisa ka tsietso. 
  • Go nyela didiba – Go bua maswe ka ba ba neng ba go tshwere sentle. 
  • Go tshwara ka tsebe – Go akisa mosupi. 
  • Go thulanya ka ditlhogo – Go losa ba ba ntseng ba utlwana. 
  • Go tlhomola o le utlwa – Go utlwa manokonoko a botlhoko bo bo utlwilweng ke ba bangwe ba o neng o ba tshega. 
  • Go tsaya leano – Go loa ka go alafa mmu o o gatilweng. 
  • Go ja ntsoma – Go dirisa motho mo dilong tse di ungwelang wena fela. 

Leave a Reply