Ba ba ratang pako, ba jewa mabogo– Fa o rata go bokwa ka go tlhabisa mokoko leruong la gago, o tla felelwa ke dilo.
Barata-motho ba kana ka bamotlhoi – Motho ga a ka ke a ilwa kgotsa a ratwa ke batho botlhe.
Batho ba lemogana leetong – Ba ba tsamayang mmogo ba itsana mekgwa.
Batho ga ba ka ke ba lekana e se meno – Batho ba farologana ka maemo, matsalo, ka ditsela tse dintsi.
Batho ga ba tlale e se dinku -Batho ba itse go sutelana.
Batsomi ga ba ke ba tlhakanela sekgwa – Batho ba ba ileng papading mmogo ba a fufegelana.
Bo a re bo tsholwa bo le molelo e re ka moso bo bo bo fodile – Yo o robalang ka pelo ya kgalefo, e a re a tsoga pelo ya gagwe e bo e boetse mannong.
Bogale tsholo, bo a omosiwa – Le fa motho a kgopilwe mo go maswe, e tlaa re a rapelwa a rapelesege.
Bontšhe ga ba ke ba tlhakanela kutla – Basadi ga ba ka ke ba tlhakanela leiso gongwe ntlo kwa ntle ga go tlhola ba omanye.
Bontsi bo ntsha mangana – Bontsi bo buisa thata.
Dinkwe go latswana tse di mebala – Masika ke go thusana.
Ditswa ganong ga di gaisanye – Se mongwe le mongwe a se buang se tshwanetse go reediwa.
Go fa ke go ipeela – Yo o mo fang gompieno, le ene o tle a go fe ka moso.
Leitlho le losi le tshabelwa ke dilabe – Motho ke motho ka ba bangwe. Motho fa a na le selo se le sosi se a se ikantseng, se a tle se tshabelwe ke dingalo.
Lekgatlhakgatlha le jele difokotswana – Go botoka go dira o digile dibete.
Lerato le roba ditokololo – Lerato le maatla thatathata.
Letsogo le tlhapisa le lengwe – Batho ba tshwanetse go direlana molemo.
Lo se bone majwe go katologana, bosigo a a atamelana – Ba ba tlhoaneng thatathata mo dipitlaganong le matlhokong, ba utlwelana botlhoko.
Mafoko a kgotla a mantle otlhe – Kwa kgotleng mongwe le mongwe o na le tshwanelo ya go reediwa a bua.
Mafoko a matlhong – Batho ba tshwanetse go tlotlelana dilo.
Mamina ya re a fela a ye nkong e le nngwe – Batho mo puong ba tshwanetse go nna seopo sengwe.
Mmopa-khukhu, ga a tshegwe – Motho ga e re a dira sengwe a ithuta, a tshegwe.
Mmualebe o a bo a re mmualentle a ntshe la gagwe – Fa motho a bua sengwe o a bo a re yo mongwe yo o mo ganetsang, a ntshe maikutlo a gagwe.
Mmutla wa gae, ga o na lebelo – Fa o direla yo mongwe tshiamololo, o solofele go nna o gakololwa selo seo.
Moetapele o dintle, motlamorago moleofi – Ke botlhale go leka go raka ba bangwe mo dilong.
Moreko ga o itshekolole – Tshiamo e duelwa ka tshiamo.
Noka e tladiwa ke melatswana – Motho ke motho ka batho ba a ba thusang.
Tshwenyana e e boboa bo ntlha e a ikilela – Motho a le mekgwa mentsi, ga tlhole a nnetse go bona ba bangwe diphoso
A di tsale, di ate – Go leboga.
A di swe roborobo ‘kgomo tsa bogadi, diphologolo’ – Go leboga.
Ga a esi – Go buiwa jalo fa go bonwa motho e kete o na le botsenwa.
