Ditoro ka ga phokoje
Fa o ka lora ka phokoje,go raya gore o tshwanetse o eletlhoko kotsi. Fa o ka e bolaya phokoje, le fa go ntse jalo, o tlile go nna mofenyi dingangisanong tsa gago le kgotlhang le ba bangwe.
Ditoro ka ga diphologolo tse di tlhaga
Ditoro ka ga phiri e e marontho
Fa o lora ka phiri e e marontho (haina), ka tlwaelo go raya gore go na le kotsi fa isagong ya gago. Fa o ka tsoma le go bolaya phiri e e marontho (haina), go raya gore o tlile go lwa le ba o ba ratang.
Ditoro ka ga dinaka
Fa o ka lora ka dinaka tsa phologolo, ke sesupo se sentle gape se kaya gore o tlile go itsege kgotsa go tuma.
Ditoro ka ga kubu
Fa o ka lora ka kubu, o tlhoka go nna kelotlhoko sebakeng se se tlang.
Ditoro ka ga tlou
Fa o lora ka tlou go raya gore o tlile go atlega kgotsa nna le tswelopele fa botshelong e bile wa nna le itakenelo e e siameng. O ka bona madi a o neng o sa a solofela, kgotsa o tlile go bona tuelo ka ntlha ya bodira ka natla jwa gago.
Ditoro ka ga dasi
Fa o lora dasi e feta tseleng ya gago, go raya gore o tlile go nna lesego.
Ditoro ka ga kamela
Fa o lora ka kamela, ke masego a mantle thata go isagong ya gago.
Ditoro ka ga mmamathwane
Fa o lora ka bommamathwane, ke sesupo se se maswe mme o tshwanetse o eletlhoko lobakanayana.
Ditoro ka ga thakadu
Fa o lora ka thakadu kgotsa majaditshoswane, go tlile go iponna madimabe, segolobogolo mathata kwa lefelong la gago la tiro a o neng o sa a lebelela kgotsa solofela.
Ditoro ka ga dipere
Fa o ka lora ka pere, go kaya boitumelo le katlego go isagong ya gago, segolobogolo fa e le tshweu. Fa e le gore pere e galefile fa o ntse o e palame, go raya gore o tlile go nna le mathata kamanong ya gago.