Skip to content
- O dutse mokoting wa noha – O tobane le kotsi e kgolo.
- Ho kgwatha tsa semana – Ho ikenya kotsing o ntse o shebile.
- Nonyana kahlamela – Motho ya sa lemoheng batho ba tla mo ntsha kotsi ka lebaka la bothoto boo a nang le bona.
- Ho ikenya tshotso dinaleng – Ho ikenya kotsing kapa tsietsing e kgolo.
- Ho lahlwa ke mongobo – Ho kena sefing kapa kotsing o sa hlokomela.
- O jelwe ke phiri – O kotsing ha a tsebe hore na a etseng.
- Ho bina rashwelella – Ho ba kotsing kapa tsietsing ena ya haesale eo o bonang hantle hore lefu ke lena.
- Ho sala potong – Ho sala o le mong kotsing, empa le ne le le bangata.
- Ho ba ka mosing – Ho ba maemong a kotsi a sa sireletsehang ho hang.
- Mmutla wa kotlwa tsebe o tshoha difohle – Motho ya kileng a hlahelwa ke kotsi kapa ke mathata o tshaba le ntho e sa tshoseng.
- Kotsi e lefuwa ka lemao – Phoso e sa etswang kaboomo e se ke ya ahlolelwa haholo.
- Tsietsi e bonwa e sa le hole – Ha o le motho ya bohlale o bone kotsi e sa le hole.
- Taba di mosenekeng – Ho bolelwa hore ho se ho le hobe kotsi e se e atametse.
- O kene makaqabetsing – O kene mathateng le molatong.
- Phofu ho hola e bohlale – Motho a elellwe mathata a sa le hole.
Related
