Nta selomela kobong – Mona ho hlaloswa motho ya ikentseng motswalle wa hao, empa e le sera sa hao. Ha o potetse o rera tse mpe ka wena empa ha o na le yena o iketsa motswalle ya haufinyana.
Kobo kgale ha e lahlwe – Se furalle motswalle wa hao wa kgale.
Motswalle wa hlooho ya kgomo – Motswalle e moholo wa bohlokwa.
Setswalle sa lengole – Setswalle se sa tiyang.
Setswalle se se sehla – Setswalle se se nang molemo.
Ho ba mathe le leleme – Ho ba le setswalle se seholo.
Kobo le lemao – Metswalle e meholo.
Monwana le lenala – Metswalle e meholo.
Motswalle wa leshodu ke leshodu – Batho ba tshwanang ka boitshwaro ba tsamaya mmoho.
Setswalle se tlotsitsweng ka mafura – Ke setswalle se nang le molemo.
Ke itswaletse mora ya tla mpoloka – Ke na le mora ya tla ntlhokomela.
