Ho hata kwekwe – Ho tsamaya butle, o ikonkile, e hlile ekare o ikgohomositse.
Thamahane ha di robale mmoho – Batho ba batlang ntho e le nngwe ha ba thusane.
Ngwana phakwe se ipolele, motho o motle ha a bolelwa ke ba bang – Ha ho molemo ho ipapatsa ka dintle tsa hao, le hona ho ithoholetsa. Ho molemo ho babatswa ke batho ba bang.
Ho fefena nko – Ho swenya ka lebaka la boikgohomoso.
Ho famola dinko – Ho bulela masoba a nko haholo ho bontsha ho qhosha, boikgantsho le boikgohomoso.
Ho ikakasa – Ho ikgohomosa, o ipehile hodimo.
Ho ipona – Ho nka e le wena feela motho, o ikgohomodisitse.
Moikalatisi – Ho ipoledisa le ho bolela ka makgabane a hao ka boikgohomoso.
