Ho lora o tlotsa manala a hao kapa a motho e mong ka poletjhe ya manala ho ka bolela hore batho ba seba ka wena. Ebang e le motho e mong ya tlotsang manala a hao ho ka bolela hore o tlo seba ka yena hobane o le mona bakeng sa hae. Ebang o le mosadi ya lorang o tlotswa manala ho ka bolela hore o tla itshola ho buweng hampe ka e mong wa leloko empa o sa mo tsebe le hantle.
Ebang o lora o tlotsa manala a hao ka poletjhe ya yona ho ka hlalosa hore o motho ya kgathallang ba bang, kapa o fumane lerato le letjha kapa setswalle se setjha, kapa hona ho utlwa ditaba tse ntjha ka tsa lekala la hao la mosebetsi. Ka nako tse ding ho ka bolela tlhokeho ya ho rarolla ho se utlwane ha lelapa, kapa ho fetola mokgwa wa ho se tshepe molekane wa hao.
Ho lora o bona poletjhe ya manala ho ka bolela hore mekgwa ya hao e ka o kenya tsietsing. Tlhaloso ya toro eo e ka boela ya itshetleha ho mmala wa poletjhe oo o o lorang:
- Kgubedu e ka bolela bohlokwa ba hore o fetohe,
- Tshweu e ka bolela tokoloho, mme
- Ntsho e ka hlalosa ho ba maphathephathe bophelong ba hao.
Poletjhe ya manala ya kgale
Ho lora poletjhe ya manala ya kgale e tloha ho ka bolela hore o lebelle ditaba tse makatsang tseo e ka bang nnete. Ebang o lora o tlosa poletjhe ya manala ho ka bolela hore o tlo hlakisa nnete ka ditaba tseo ba o sebang ka tsona, mme ha e tloswa ke motho e mong, ho ka bolela hore nnete ya hao e tla hlaloswa ke motho e mong.