Ha o lora o otile kapa o ba mosesanyane, ho ka bolela hore dikgathatso di tseleng. Ho ka boela ha bolela hore o tla lahlehelwa ke tjhelete nakong e tlang. Jwale ge, o hlokomele hore o e sebedisa jwang le hore o e kadima mang. Ebang o lora o nonne, ho ka bolela hore o tlo kula kapa o lwane le molekane wa hao.
Ho nona/ Ho ba motenya
Ebang o lora o le motenya, mme o phela hantle, e ka ba letshwao le lebe. Ho ka bolela hore o lebelle ho kula le dinako tse mahlonoko. Ho lora o le motenya ho ka nna ha bolela katleho bokamosong ba hao.
Ha o lora o sa thaba ka lebaka la botenya, ho ka bolela maima kapa ho aparelwa ke ditlhong ho tlang. Ha o lora o le motenya haholo moo bathong ba bang ba phelang teng ho ka bolela hore o tlo tlontlolleha ka lebaka la diphoso tsa hao. Ha o lora o thabetse ho nona ho ka bolela katleho, borui, le ho phela hamonate haholo, ho ka boela ha bolela ho fumana tlhompho lekaleng leo o sebetsang ho lona. Ho lora o nonne o le mosadi ho ka bolela hore o imme.