Ke Mokubung wa Mohlamatsana,
Mohloka-kodi, mo-tseba-tsa-ba-bang
Motho wa Leswetsa la maitjadi,
Mohale, mo-tswa lehlakeng,
Motho wa mokopu o motolodi,
Le o ntshe masimong.
Kapa ho thwe
Re batho ba ha Mahwete,
Re batho ba bodiba bo botala ha bo okamelwe,
Ekare ha o bo okamela,
O ka wela ka mahlwana le ditsejana,
Kubu hohomosa marete re bone,
Kubu ha o e ame mo patleng,
Ha o e ama mo patleng,
O ka shwa,
Kubu e dula metsing,
Kubu ha e bonwe.
Kapa ho thwe
Ke Mokubung wa Mmamotlhamatsang,
Mo-hloka-kodi, mo-tseba-tsa-ba-bang!
Kubukubu, ntsha marota re bone,
Kubu e kaa ka ntlo ya Moseme.