Ke Mohlakwana wa Mmanapo a Mosito,
Bahlakwana le ba etele mariha,
Hoba hlabula ba futswella matlung.
Ke batho ba sa jeng sengwathwana,
Ba ja polokwe kaofela.
Mabewana abo Kadia Tsholo, maila ho ngwathelwa,
Maila kgwantjhana ya maobane.
Bahlakwana ha le batho, le baloi,
Bahlakwana le bina pina bosiu.
Kapa ho thwe
Ke Mohlakwana wa MmaPholo a Disema,
Maila ngwathwana sa maobane,
Motho eo e reng a tla ja ho thehe meriti,
Ho be ho thehe le e menyane ya diotlwana.
Kapa ho thwe
Ke Mohlakwana a Pholo ya Disema,
Maila ho ngwathelwa
Motho ya sa jeng ngwathwana sa maobane,
Wa Napo le Mosito,
Ya jang feela ha ho thea ya diotlwana,
Ho theha e menyenyane,
Ke letibi, ke lefirwane,
Tshwene ya etjha senana e beleha,
Ke Kwena, kwenanyane,
E a hlapa, e a theosa madiboho,
Kwena, kwena tse ding ha di e je!