Emaphupho ngeLitje Lekugaya
Uma uphupha ngelitje lekugaya, kusho kutsi ungaphumelela kakhulu emphilweni yakho.
Emaphupho netinchazelo
Emaphupho ngeSitofu
Uma uphupha ngesitofu, kungasho kutsi utawuba nenhlanhla futsi uphumelele, ikakhulukati uma sishisa nobe uma ubhaka lokutsite kuso.
Emaphupho ngeLitafula
Uma uphupha ngelitafula, kungaba yinhlanhla uma bantfu bahleti balitungeletile futsi kube yinhlanhla lembi uma kunguwe kuphela umuntfu lohleti lapho.
Emaphupho ngeLibhokisi Lekugcina Tintfo
Uma uphupha ngesikhwama nobe libhokisi lekugcina tintfo, kungasho kutsi kunemuntfu emndenini wakho longashona madvutane.
Emaphupho ngeTichumane neKuchuma
Uma uphupha kutsi kuchume sichumane, kungasho kutsi kungenteka ingoti ita endleleni yakho madvutane.
Emaphupho ngeNhlavu
Uma uphupha inhlavu, kungakhombisa inhlanhla lembi nekugula uma nje uyibona, kepha inhlanhla nemphumelelo elutsandvweni uma udutjulwe ngiyo.
Emaphupho Ngekudutjulwa
Emaphupho lafaka ekhatsi kuchuma kwesibhamu kanye nekudubula avame kukhombisa kungcubutana, kuphazamiseka kwakamoya nobe imitselela lemibi ekuphileni kwakho. Tecwayiso Kuphupha kuchuma sibhamu kungasho kutsi kunemsindvo longasikahle emkhatsini wabokhokho bakho futsi kufanele kube nemkhosi wekuhlanjululwa, kungaphindze kusho kutsi bakuphosela ngemimoya lemibi nobe bayakutsakatsa. Kuphupha udutjulwa liphupho lelibi, kungasho kutsi umuntfu lokutsakatsako utawuphumelela futsi ngemuva kwaleliphupho ungativa ubuhlungu …
Emaphupho ngeMukhwa/Ummese
Uma uphupha ummese, kungasho kutsi kunemuntfu lokucambela emanga futsi ungahle ulwe nebangani bakho. Uma unika lomunye umuntfu ummese, ungahle ulimale madvutane.
Emaphupho ngeMkhonto
Uma uphupha ngemkhonto, kufanele ucaphele kutsi bantfu lobetsembako abakukhohlisi. Kungase kukhombise ingoti lengahle ibe khona nobe inkhohlakalo.
Emaphupho ngeSibane/Lilambu
Uma uphupha ngesibane nobe lilambu, kungaba yinhlanhla uma likhanya. Ungaphumelela elutsandvweni nasekuphileni. Kepha, uma sibane singasebenti, kungenteka kube nekugula kanye nenhlanhla lembi lefika endleleni yakho. Nangabe ungumuntfu lokhanyisa sibane, kungase kusikisele kutsi kungenteka ube nesimanga ekuphileni kwakho madvutane.