Emaphupho lafaka ekhatsi kuchuma kwesibhamu kanye nekudubula avame kukhombisa kungcubutana, kuphazamiseka kwakamoya nobe imitselela lemibi ekuphileni kwakho.
Tecwayiso
Kuphupha kuchuma sibhamu kungasho kutsi kunemsindvo longasikahle emkhatsini wabokhokho bakho futsi kufanele kube nemkhosi wekuhlanjululwa, kungaphindze kusho kutsi bakuphosela ngemimoya lemibi nobe bayakutsakatsa. Kuphupha udutjulwa liphupho lelibi, kungasho kutsi umuntfu lokutsakatsako utawuphumelela futsi ngemuva kwaleliphupho ungativa ubuhlungu esifubeni nobe uphatfwe yinhloko lebuhlungu. Kuphupha udutjuliwe kungasho kutsi kukhona bantfu lokufanele ubacaphele labenta tintfo tibe lukhuni emphilweni yakho.
Kubalekela Kulimala
Kuphupha umuntfu akujaha ngesibhamu kepha uyakhona kubaleka uphephile ungakadutjulwa kungasho kutsi utawuncoba lemphikiswano lobukene nayo kanye netintfo letimbi letita endleleni yakho.
Labanye Badutjulwa
Kuphupha bantfu longabati badubulana kungasho kutsi kukhona bantfu labasedvute nawe labasebentiselana butsakatsi kulomunye nalomunye. Kuphupha bantfu lobatiko badubulana kungasho kutsi labo bantfu babambe emagcubu kulomunye nalomunye.
Uma uphupha bantfu badubulana, sibonelo emasotja, bese uyadubuleka ngeliphutsa, loku kungasho kutsi utawuhlangana netinkinga nobe utawuba nesitunge ngenca yebantfu losondzelene nabo.