Òjó Ojúróngbé Olúkùlóyè
Òjó, suku là á fínná,
Ẹlẹ́wìrí ìjàkadì
Òjó, a bádìẹ sàba lórí ẹyin
Mo mọ Òjó tàìm’Òjó
Mo mọ Òjó méje
Mo m’Òjó a jókòó tolówùú má ran án,
Ó fẹ̀sọ̀ ẹ̀sọ̀ mọ́wọ́ rebi ìdí ẹ̀
Ìgbà tí olówùú ò jà, tólówùú kò bínú,
Kílọkọ rẹ̀ ó fìjà ṣe?
Mo m’Òjó, a bádìẹ sàba:
Adìẹ pamọ, Òjó kò pa
Aṣọ Òjó pọ́n kuju bí aṣọ àparò
Ojúróngbé Àdìó, ojú kan ẹ̀pà
Àdìó ojú kan erèé,
Bí a bá kú ọmọ ẹni níí jogún ẹni.
Ojúrongbé, Ojólúbùse
Erelú ọmọ,
Ni’jọ ẹ̀gbẹ́ kọ ẹni à sun’lẹ̀,
Ni’jọ́ ara ba kọ aṣọ là á sun ‘hòhò,
Ni’jọ́ orí ba kọ́lé là á sun ẹ̀gi,
Òjó a ro igbó ro ọdàn bi ẹni à nsìn,
Òjó alájo yìnbọn,
A pa ẹyá lọ l’ẹriwò ọpẹ.
A gbé ọwọ ọta rà bi awòdi,
N’ibi kúrè la mọ Òjó mọ,
Bí ó bá di pé, Ojuróngbe,
Òjó á gbé nkan ni,
Òjó Òjó Òjó, Òjó ti mo mọ̀ p’ógún,
Òjó Òjó Òjó, Òjó ti mo mọ̀ p’Ọ́gbọ̀n,
Mo mọ Ojo abá’dìẹ sàba l’órí ẹyin,
Adìẹ pọ́n kuku, Ojo pọn kẹ̀kẹ̀,
Adìẹ pa’mọ tán, Ojó kò pa.
Mo mọ Òjó ajóko ti olowú má ran!
Ó fi esọ̀-sò, m’ọwọ lọ’bi ìdí ẹ̀.
Igbat’olowu ò jà, t’olowú kò binu,
Ojurongbe, Kini o rè é de’bệ ṣe ?
Ọ̀tọ̀ ni Òjó oní’ka n’íkùn,
To fi ẹsọ̀ sọ̀ tẹ́ elégbo l’ẹsẹ.
Pa Ọsìn n’ijọ wọn ns’ògún,
Ojúrongbe ló pa Egbin ni’jọ wọn nse Ọya.
Dúróbọ̀’gún ló gba ori ẹiyẹ na lọ́wọ́ rọ,
Ọtọ̀ ni Òjó a dé abà má simi,
Ọ̀tọ̀ ni a dénu oko se àárẹ̀,
Ọ̀tọ̀ ni eyiti a fún l’adiẹ sín ti npa’su s’iná,
Ọ̀tọ̀ ni eyiti a sè ni eèbu ti nrè é rà’kòkò !
Òjó kò sí n’ile, ọmọ-‘dię dagbà sọ̀ ọ̀,
B’ojurongbe ba wà n’ilé ńkọ́?
Ṣe ìbá ti pa yeye’dìẹ jẹ!
Gba temi, gba temi, Òjó
Ẹni Òjó bá gb’ọṣẹ lọ́wọ́ rẹ
Olúwa rẹ ṣe oríire
Òjó ń wẹ̀ lódò gbogbo ọmọgé ń yọwọ́ ọṣẹ
Òjó alágada ogun, kèǹgè tièlè
Ajagun bí akúra
Ojúrongbe, Ojolubuṣe, Ẹrelú ọmọ
