Àlá nípa Oyún níní

Àwọn àlá tó tọ́ka sí oyún níní:

Tí o bá lá àlá nípa oríṣiríṣi èso, ó le túmọ̀ sí pé ebí tàbí ọ̀rẹ́ rẹ kan lóyún.
Tí o bá lá àlá pé ò ń jẹ èso, ìyẹn jásí pé ìwọ gan-an ni o máa lóyún tàbí kí o tiẹ̀ ti ní oyún gan-an pàápàá.
T́ o bá lá àlá pé ò ń lúwẹ̀ẹ́ nínú omi ìdọ̀tí tàbí omi ẹrọ̀fò, tí o sì ń rì nínú rẹ̀, èyí le máa fihàn pé o ti lóyún.
Tí o bá lá àlá pé o ní oyún, o le túmọ̀ sí pé o máa bí ìbejì, àgàgà tí o bá ń lá àlá yìí léraléra.

Àwọn mìíràn máa ń lá àlá nípa oyún ara wọn, ṣùgbọ́ ní òpọ̀ ìgbà ẹlòmírà ni o máa ń lá àlá yìí nípa ẹni tí ó máa lóyún.

Àlá lè wáyé ní ọ̀nà mìíràn báyìí, bí ó tilẹ̀ jẹ́ pé o ti lóyùn tí gbogbo ènìyàn sì ti mọ̀, àgbàlagbà kàn nínú ẹbì le lálàá irú ìṣẹ̀dánìyàn tí ọmọ náà yó jẹ́. Àwọn kan gbàgbọ́ pé àlá yìí túmọ̀ sí pé ọmọ̀ yìí jẹ́ ìbùkún láti ọ̀dọ̀ àwọn babańlá wọn. Àmọ́ṣá, ìṣoro le yọjú nígbà tí wọ́n bá bí ọmọ náà tán, tí ó sì bẹ̀rè sí ní ṣe àìsàn. Àgàgà, tí àwọn ẹbí bàbá ọmọ náà kò bá tíì ṣe ẹ̀tọ́ tó yẹ. Ọmọ náà le jẹ́ àkàndá tó ní àléébù kan tàbí èkejì. Ẹ̀yin tí ẹ jẹ́ òbí rẹ̀ sì ní láti dúpẹ́ lọ́wọ́ ọmọ náà lẹ́yìn tí ẹ ti bí i sáyé, nítorí ó jẹ́ àpẹẹrẹ oríire. Bí ẹ bá fẹ́ kí wọ́n wá wo ọmọ yìí, ó ni àwọn ètò kan tí ẹ ní láti ṣe, bíi kí ẹ po otí ìbílẹ̀, tàbí kí ẹ se àwọn tinú-ẹran, kí àwọn aládùúgbò tó lè wá wo ọmọ náà.

Àwọn àlá kan wà tí a mọ̀ pé tí èèyàn bá lá a, ó ní àwọn nǹkan kan tí èèyàn ní láti ṣe kí nǹkan burukú má baà ṣẹlẹ̀. Àmọṣá, ní ti àlá nípà ikú àti oyún níní, kò sí ohun tí a le fi dènà ohun tó ti ṣẹlẹ̀. Ṣùgbọ́n ó ṣe pàtàkì kí o rántí àlá tí o lá ní alẹ́ nítorí ó lè ràn ọ́ lọ́wọ́.

Lílá àlá pé ẹlòmíràn lóyún

Àlá lílá pé ẹlòmíràn lóyún jẹ́ àpẹẹrẹ pé àwọn ẹtọ́ rẹ kàn wà lọ́wọ́ ẹlòmíràn. Àmọ́ṣá, láìpẹ́ àwọn ẹ̀tọ́ náà á bọ́ sí ọwọ́ onínǹkan padà. Ó le jẹ́ nǹkan tí o jogún tàbí nǹkan tí o ti sọnù sẹ́yìn. Ó sì tún le jẹ́ ipò iṣẹ kan tó tọ́ sí ọ ṣùgbọ́n tí a fi ọ̀nà èèrú gbé e fún ẹlòmíràn ní a fi hàn ọ, àmọ́ tí ó padà jẹ́ tìẹ.

Lílá àlá pé ẹlòmíràn lóyún

Like this:

Related

Leave a ReplyCancel reply

Lílá àlá pé ẹlòmíràn lóyún

Share this:

Like this:

Related

Leave a ReplyCancel reply