Swivuriso mayelana ni ku endla leswi lulameke ni leswi faneleke
Bana mpfundla u tshika xihlahla: Kumisisa muendli wa timhaka u nga si hehla vanhu lava nga riki na nandzu; ku landza mhaka u tshika ku jikajika nghena mhakeni u tshika ku jikajika.
Dulu i ndzhaka hi siku ra dyandza: Loko u veka/fihla swo karhi swi ta ku pfuna emikarhini yo tika.
Hambi wo famba enkoveni lundza ri ta vonaka: Hambi wo endla swilo exihundleni siku rin’wana swi ta humela erivaleni.
Hambi wo yi dlayela ebakweni, makoti ma ta yi vona: Loko u lava swilo swo biha swi ta vuya swi ta ku vavisa.
Ku ka u nga hisi nhova swi tlula ku yi timela: Ku sivela khombo ku va ri humelela swi tlula hi ku yimela khombo ri humelela ivi u lava ku lulamisa.
Matsavu i rihanyu: Swi vula leswaku loko vanhu va dya matsavu va ta va na rihanyu lerinene.
Ti hupe nzukwa ti teka ncheleni: U nga tsutsumeli lexi nga riki na nkoka ngopfu u tshika xa nkoka.
Vuhosi a byi peli nambu: Loko u ri eka ndhawu yo karhi, u fanele ku endla leswi vanhu va ndhawu yoleyo va endlaka swona, hambi u nga swi rhandzi.
Xikomu ehansi ka nsinya xi dyiwa hi muhlwa: Nchumu wu fanele ku kumeka laha wu faneleke ku tirhisiwa kona hikuva loko wo va laha wu nga tirhisiwiki kona wa onhaka.
