Laha ku nga ni tinhongana ku borile xilo: Laha ku nga na mhaka yo karhi ka tikomba.
Loyi a tshivelaka ndzilo u fanele ku wu orhela: Loko u endla mhaka yo biha u fanele ku yimela mhaka ya wena.
Mbyana leyi yiveke matandza yi tikomba hi ku yimisa tindleve: Munhu loyi a dyoheke u hatla a tikomba hikuva a nga tshamiseki.
Mbyana yo ka yi nga caci makhamba yi dya matandza: Munhu wo ka a nga endli nchumu u hetelela a endla swo biha.
Mpfundla wa le rihlampfini a wu khomiwi hi timbyana: Khamba leri mi tshamaka na rona a ri khomeki hi ku olova hikuva ri tiva makungu ya n’wina hinkwawo.
Tiko a xi etleli ku etlela Fosi Magomani: Loko u endla swo biha, swi hatla swi tiviwa hi mani na mani.
