Skip to content
- Loko mbhongolo yi nga koki, xigolonyana xi ta koka mbhongolo: Loko swo karhi swi nga endleki hi ntolovelo ku ta endleka leswi nga tolovelekangiki.
- Loko mbita yi fayekile yi fayekile: Loko nchumu wu humelerile u nge he swi koti ku swi cinca.
- N’hwarimbirhi yin’we yi tshwa nkanga: Munhu a nga tirhi mintirho yimbirhi hi nkarhi wun’we, wun’we wu ta tsandzeka.
- Makondlo mambirhi a ya celi mbovo wun’we: Vanhu vambirhi va nge tirhi ntirho wun’we hi nkarhi wun’we.
- Ribye a ri dlayi swinyanyana swimbirhi xikan’we: Munhu a nga tirhi mintirho yimbirhi hi nkarhi wun’we, wun’we wu ta tsandzeka.
- Ritiho rin’we a ri nusi hove: Munhu a nga tirhi mintirho yimbirhi hi nkarhi wun’we, wun’we wu ta tsandzeka.
- Timhisi ta mikoka mimbirhi yin’we yi phatluka nyonga: A swi koteki ku tirhela vanhu vambirhi u tlhela hinkwavo u va enerisa.
- Tsotsi yi bamba lokoyi xurhe: Munhu loyi a twaka ndlala a nge koti ku tirha nchumu hikokwalaho ko pfumala matimba.
Related
