I rixaka ra vambayi leri nga suka emisaveni ya vona hikokwalaho ka mpfilumpfilu wa tinyimpi va kongoma evutsonga. i swa nkoka ku vula leswaku vambayi va na vuxaka swinene na Vatsonga hi mahanyelo na ririmi hi swona leswi nga endla leswaku vatsutsumela evutsonga hi nkarhi wa tinyimpi. Loko Vangoni va fika va kume leswaku a va vulavula Ximbayi naswona va twa o nge va vulavula ku fana na swihlangi laha va nga tya vito ra ririmi leswaku i xilala tekela, leswi vulaka leswaku va teketa loko va vulavula. Ntila wa ka Nkuna wu famba wu fika eka Vatsonga emozambique laha va nga suka loko ku fika hasahasa ya Mfencane va ya tshama eka misava ya le bvexa. Eka rixaka leri ku na swivongo swo tala swinene kambe i vanhu vanwe. Va tala va vona se va tekana hikokwalaho ka kuva va fike vatshama swinwe va dya swivindzi.
Van’ana va rixaka ra ka Nkuna i vanyimba ya ka Humani, na vona i rhavi ra ka Nkuna.