Ditoro ka ga phaposi ya borobalo le didiriswa tsa boapelo Archives - iAfrika

Ditoro ka ga dipitsa le dipane

Fa o lora ka dipitsa le dipane, o tlile go bona dikgang tse di monate go tswa kgakala.

Ditoro ka ga nkgo

Fa o lora o nwa go tswa ka fa nkgong, go raya gore o tlile go tsaya leeto gaufinyana.

Ditoro ka ga senwelo

Fa o lora ka senwelo, ke matlhogonolo fa e le gore senwelo se tletse mme madimabe fa se le lolea.

Fa o lora ka botlolo, ka tlwaelo ke madimabe. Fa le se na sepe, kgotsa o nwa go tswa go lona, gone o tlile go nna mathateng mme wa lebagana le ditlhong le tshotlo. Fa e le gore botlolo e tletse, le fa go ntse jalo, o tlile go nna le matlhogonolo.

Ditoro ka ga khiba

Fa o lora ka khiba, o tlile go newa sengwe se e leng gore ke lobakanyana o se batla.

Ditoro ka ga lesela la bolao

Fa o lora ka lesela la bolao, o tlile go kopana le tsala ya bogologolo kgotsa mokapelo yo e leng kgale o sa mmone.

Ditoro ka ga mosamo

Fa o lora ka mosamo, ke masego fa e le gore o phepa, fela madimabe fa e le gore o leswe.

Ditoro ka ga materase

Fa o lora ka materase, sengwe se o ntseng o eletsa gore se ka direga se tlile go nna sa boammaaruri.

Ditoro ka ga kobo

Fa o lora ka dikobo, ke madimabe, segolobogolo ka selemo, mme o tlile go lebagana le mathata a mofuta yo o rileng.

Ditoro ka ga phaposiborabolo

Fa o lora ka phaposiborobalo ya gago, go raya gore tsotlhe tse o batlang gore di direge di tlile go diragala.