Skip to content
- Indvuku ayiwakhi umuti: Umfati akalungiswa ngekushaywa
- Indlu yekugugela: Umfati lomncane esitsenjini indvodza lemteka seyigugile
- Kandvuku tihlala kakhe: Kamfati lomncane
- Kababe ngibone: Emendvweni
- Emendvweni kukamkhatsali: Ekwendzeni kulukhuni kudzinga kubeketela
- Indvuku lenhle igawulwa etiveni: Intfombi itsatfwa khashane
- Kugana ngengculu: Kugana lijaha ngobe senike naya nalo emacansini bese litsi sewuliganile ngobe uvume kulala nalo
- Kuba ngumgodzi longanukwa yinja: Kuba intfombi lenganakwa ngemajaha
- Kuba ngumcaba lowasala emasini: Sewukhule waze waguga wadzimate waguga solomane kute umuntfu lamtsatsako
- Kugugela emashiceni: Kungendzi
- Kotsa lukhuni loludvungamanti: Kulomuti kuhlalwa kuliwa njalo nje
- Tintsaba letindze ngumasitsela: Bayajabula lababona singani sami
- Litsambo lemuntfu alidliwa: Umvuzo wemntfwana walotelwe embili awutidleli
- Kubuyisela ematfumbu esiswini: Kutsatsana nemuntfu losedvute kakhulu ngengati
- Emakhuba alingene balimi: Tintfombi tilingene emajaha
- Umzala uzala indvodzana: Kuyavumeleka kutsi bozala batsatsane noe batekane kumbe baganane
- Kubala imicolo: Kusho kuhlala uliculuculu
- Kushonelwa lilanga: Kwendlulelwa sikhatsi sekwendza
- Kagobagagu: Ekwendzeni neligagu liyatfoba
- Ekwendzeni kukamkhatsali: Ekwendzeni kuyahlushekwa
- Chizi!: Ngiyakutsandza ntfombatana. Lesi siga semajaha sekusoma
- Bhavu!: Ngiyakutsandza ntfombatana. Naso lesi siga semajaha sekusoma
- Dushu!: Waliwe. Siga setintfombi sekwala lijaha
- Kuphandza ekhaya njengenkhukhu: Kub yinsomi yekhaya.
- Kokha Umlilo: Kucela umshado kubatali bentfombi
- Kudlela embiteni: Kushiwo nawugidza umtsimba wakho nome ushada litulu lina.
- Kusikela umuntfu intfonga: Kumnika sibalo selilobolo lafanele kulikhipha umntfwanakho
- Kucocodzelana umncadvu: Kulobolisana umntfwana angakaveli
- Intfombi kayengciwa: Lijaha nome lomdvuna uyyaikhulumisa nje intfombi ngobe liyinika inhlanhla nalo litsatse inhlanhla
- Kufakwa esiswini: Kufakwa endlini endlini yemfati lolidlamuti lote umfana kutsi abe yinkhosana yalowo muti
- Lutsandvo ngumasibekela: Akulusilula kubona tiphosiso netiphambuko temuntfu lomtsndzako
- Lutsandvo luyadvonsiswana: Lutsandvo lwakhiya ngekubambisana
- Lutsandvo ngmancoba: Kute umuntfu longakwehlukanisa nemuntfu lomtsandzako
- Lwanca: Batsandzana kabi
- Bomjingi namkhotsane: Batsandzana kabi ngeke ubahlukanise
- Lucu aluhlangani: Angilitsandzi lelijaha
- Kusala netinsiba: Kwaliwa yintfombi nome kwemukelwa ngumfati
- Umlilo wabamba umfati emuka: Nawuphike nebumnandzi bemlilo ungaphutselwa yimisebenti yakho leminye
- Indlu lenkhulu: Indlu yakamfati lotala lotala inkhosana esitsenjini
- Kusala nendlu: Kwemukelwa ngumfati usale wedvwa
- Indvuku lenhle igawulwa etiveni: Indvodza ivama kuba neligugu nemfati wakhashane
- Lwanca: Batsandzana kabi
- Lijingi lidliwa yinhlitiyo: Umuntfu ngeke umtsandzise intfo langayifuni.
- Kuhlangana ngetulu njengeluhlindzafuku: Kutentisa shengatsi bayevana kantsi niyatondzana
- Batsandzana sakwalana: Bentelana buhatsa lese lenyanyisa.
- Kuvusa emafusi lamadzala: Kuphindze nitsandzane nangabe nase nalene.
- Wadla ematse akhe: Bevana kabi
- Insika yemuti: Umnumzane
- Kubhukula sisu: Kushiwo nangabe indvodza itsatsa bantfwana labefike nenina ibente bayo, ngekutsi ikhiphe tinkhomo.
- Sidvwaba ngumkhumulansika: Umendvo ugucula tinto lebetingemgugu entfombatana
- Ingalimunyisa kepha ngeke ilikhotse: Kumatima kutsandza ngalokugcwele umntfwana longamtali
- Kumsikela intfonga: Kusika indvuku uyitungelete ukhombise kutsi intfombi ilotjolwa ngatingaki tinkhomo
- Kagobagagu: Ekwendzeni
- Kutiba: Kuhamba uyekwendza ngaphandle kwemvume yebatali
- Lapho kwake kwema khona emanti aphindze eme: Noma sebehlukene ngekuhamba kwesikhatsi bangaphindze futsi batsandzane
- Titiba tonkhe tiyayicwaba inhlabatsi: Umuntfu akagugi nebuhle bakhe
- Yeka Lugogo lwenkhabi kudliwa tinondvo: kwedzelela lijaha ulibukele phasi ngekutsi alikayifaneli intfombi yalo lenhle
- Kumcocodzela umtfongwana: Kumetsembisa emalobolo ngemntfwana lotawutalwa.
- Kumfaka esibayeni: Kuteka intfombatana
- Kuba lichibi lelomile: Kuba ngumfati longatfoli bantfwana
- Tintsaba letindze ngumasitsela: Bayajabula lababona singani sami
- Kuvusa emafusi lamadzala: Kuphindza nitsandzane futsi nangabe nase nalene
- Kuvusa indlu: Kwendziswa endvodzeni yadzadze wenu lose wafa khona kutewuboneleka bantfwana.
- Kwaliwa: Kungatsandvwa yintfombi
- Senyusamfula: Ngumfati lophume encenye
- Lojikamlente: Ngumtalakanye
- Zenda zamshiya: Yintfombi leseyikhulile kodvwa solo ayikendzi
- Kumfaka luthaka: Kutsatsa umfati ngekushada umfake indandatho
- Kuhamba ngenhloko: Umfati nangahloniphi ekhakhakhe angalifaki liduku. Angengcayeli.
- Imbokodvo yalelinye litje ayisili kulelinye: Umntfwana nome umuntfu wakulenye indlu akatikhulumi tindzaba talenye indlu
- Imiphandza ibulawa takhelani: Ymuntfu uvama kulinyatwa tihlobo nome bangani.
- Inhlanyelo itsatfwa esininini: Kuganwa ngumuntfu losinini sakho nome losondzelene naye emndenini wakho.
- Inkhonto iyancengwa: Makoti kufanele kutsi umendvo awuhloniphe ngobe uyinkhonto, ukhontile emtini.
- Umfati uyabanjiswana: Umfati kute endze kahle kufanele kutsi bakubo babambisane nebekhakhakhe. Umfati wemukwa umntfwana asemhlane abaleka naye. Kulukhuni kwehlukanisa umntfwana nenina, ufa lapho kufa khona umntfwanakhe.
- Ummbila lomuhle ngulobhacelako: Umfati muhle ngekutfola bantfwana andzise sibongo sekhakhakhe
- Tala bantfu tiye ebantfwini: Nalongumuntfu naye lonjengami utamgana
- Londlulazisengwa: Umfati lote similo, lowendza aphume
- Loyishayile akayosi, loyosile akayidli, loyidlile udle licala: Kutsi intfombi uyayisoma akusho kutsi itakuvums, kutsi ikuvumile akusho kutsi itakugana, ngako-ke yinakekele kudzimate kube sekugcineni
Related
