Skip to content
- Akahlakaniphi intsengu: Uhlakaniphe utse yolo.
- Kuhamba kuchumela jekwa: Nawuhleti ndzawonye ngete waphumelela, kufanele kutsi uphume uhambe
- Kuhamba ngumhlayimbe kunyatsela kwembongolo: Kancane kancane nawe utawudzimate uphumelele, ungabojaha
- Akasibeki sibunu phansi: Akaphumuli nase asebenta.
- Akukho ndlovu yasindvwa ngumboko wayo: Umuntfu akehlulwa bulima bakhe.
- Akusemalanga mangaki/ akusenganani: Akunakuphela sikhatsi lesidze kungakenteki.
- Akusenani: Akunadzaba sesitawubonga loko lokungase kuphumelele.
- Akuyiwa kanyekanye kungasiko esitibeni: Bantfu abaphumeleli bonkhe ngasikhatsi sinye.
- Atibekwa tibe timbili tiyabulalana: Tihlakaniphi atihlalelani.
- Awuvake! Ushayekhona.
- Awubonike! Wente intfo lenhle. Ucinisile.
- Bantfu abayi nganhlanye bangasiwo emanti: Ngulowo muntfu ubona ngekubona kwakhe.
- Bantfwana bangumliba loya embili: Bantfwana balitsemba lakusasa.
- Budze abuphangwa: Umuntfu akaphumeleli ngalanga linye etihlosweni takhe.
- Ayishaywa kabili: Akukavami kutsi inhlanhla umuntfu imphindze.
- Budvodza abukhulelwa: Nalomncane angawenta umsebenti noma abe neligama leliphele indvodza.
- Gubhela kwesakhe: Umuntfu locinele kutisita yena angabasiti labanye.
- Hholohholo! Siyabonga! Siyakudvumisela.
- Imbemangitshemba: Intfo lotibekele yona kutsi ikusite ngemuso.
- Imbungulu: Umuntfu lophila ngetitfukutfuku talabanye.
- Iyawubanjwa nguleshone nayo! Kuyawuphumelela loyawubehlula bonkhe ekugcineni.
- Kwenyeka (emafutseni): Kutfola inhlalo lenhle.
- Lala lulata sikwengule: Labantfu bafuna kukhuphuka ngawe ngoba batsi usilila.
- Livila lidla buvila balo: Umuntfu longatsandzi kusebenta akasitwa.
- Lolwalu la! Wase waba neludvumo lolukhulu lomuntfu.
- Mafika muva udla umlente: Lophumelela muva uvama kudvunyiselwa kancono.
- Ngilimele: Ngilahlekelwe kabi. Tintfo tingihambele kabi.
- Seyibambe ime nayo: Angisaboni kutsi ngitawuphumelela njani.
- Sitawuyicela ivutsiwe: Sitawuse sibone kutsi utawuphumelela kanjani.
- Tinkhwa timinyene ebhodvweni: Akubonakali kutsi batawuphumelela kanjani kulukhuni.
- Umutsi kutala silima: Kwaba lukhuni ga kuphumelela.
- Uphume wacasha: Uphumelele kahle kakhulu.
- Uphume embili: Uphumelele wabengca bonkhe.
- Gabigabi/ganuganu! Ase ubuke naku lokuhle kwami.
- Ayinganga mlomo: Kulula kukhuluma kune kwenta.
- Ayihlabi ngakumisa: Kuyenteka kutsi umuntfu lobukeka ahlakaniphile abe asilima.
- Ayibanjwa (imali): Ube nginemali ngangititsengela loko.
- Aphelile emankhani: Sengidzelisekile.
- Akulukhuni litje: Kulukhini impela.
- Akulahlwa mbeleko ngakufelwa: Ungabo lahlalitsemba ngoba ungakaphumeleli. Linga futsi.
- Akubuyelwa emuva kungasiwo umgubho waShaka. Ngikhalela ematfuba lengawalahla.
- Akayiwa: Ubeyisa bonkhe.
- Akavilaphi yinyoka: Uvilapha kabi.
- Akasebenti ufela khona: Akakhumuki nasebenta.
- Akasebenti sambane/ silwane: Usebenta lokungetulu kukwebantfu.
- Akakhulumi uyanameka: Uyakwati kukhuluma inkhulumo levakalako.
- Akuyiwa kanye kanye kungasiko esitibeni: Bantfu abaphumeleli bonkhe ngasikhatsi sinye
- Budze abuphangwa: Umuntfu akaphumeleli ngalanga linye etinhlosweni takhe
- Kubeka siye: Kuphikelela ekwenteni intfo udzimate uphumelele
- Kumnyama inyoni: Imphumelelo ayibonakali
- Kusala emshinini: Kwehluleka
- Kuwa uvuka: Kusebenta kamatima ute uphumelele
- Wadla lilunga lakulungela: Unenhlanhla
- Kutsandvwa ngulokuhle: Kuba nenhlanhla
- Indvodza ihlatjwa ngatimbili: Phindza ungiphe ungentele inhlanhla khona ngingeke ngife kalula
- Kuhlekela ngenhlanye: Kujatjuliswa kubona kutsi sekutawuphumeleleka
- Indvuku lenhle ihluma eweni: Intfo lenhle iyahlushekelwa, ayiti nje lula
- Inkhonjane yakhela ngeludzaka: Kancane, kancan ngemitam lemincane umuntfu ugcina asaphumelele
- Inyoni yakhela ngetinsiba talenye: Umuntfu uphumelelela ngeteluleko talabanye bantfu kanye nangekubuka lokuhle kulabanye bantfu
- Bucubu lobuhle buhamba ngabubili: Lophumelelako ngulonebantfu labamsitako
- Imbila yeswela umsila ngekulayetela: Nawufuna kuphmelela entfweni lofuna kuyenta tentele wena matfupha
- Kumnyama inyoni: Imphumelelo ayibonakali
- Nelikadze liyadla: Ungabojabha ngobe ungaphumeleli, uyawuphumelela nangemuso
Related
