Skip to content
- Kudla tinyoni tebantfwabakho: kubona imisebenti lemihle lemihle loyentelwa bantfwabakho nasebakhulile
- Lukhalo lwemntfwana: Bantfwana bonkhe bemata labangsekho nalabaphilako.Lenkhulumo iphindze futsi icondziswe etinkhomeni temalobolo taleso sibongo
- Umliba loya embili: Bantfwana
- Kugona: Kuba nemntfwana
- Sisu semfati: Bantfwana bonkhe bemfati
- Kutala kutelula: Nawunebantfwana bakusita etintfweni letinengi
- Usakhasa: Usengumntfwana lomncane
- Lukhalo lwemfati: Bantfwana bonkhe bemfati labaphilako nalabangasekho
- Ematfumbu emfati: Bantfwana labatalwa nguye umfati mbamba
- Tidvumbu kwehlukana: Imphumelelo ekubelekeni
- Usamila ematinyo: Umntfwana usasemncane
- Kutetfwala: Kukhulelwa
- Kuba ngumuntfu: kuba nesisu
- Kutsatsa lunyawo: Kucala kucatfuta kwemntfwana
- Litinyo lekubulala: Umntfwana losele yedvwa kubatali bakhe
- Ludziwo lufute imbita: Ufute unina nome uyise ngesimilo
- Kufa ematfumbu: Kuba nemntfwana lote Lusito
- Umntfwana yinja: Ungabomphikela kakhulu umntfwana ngobe await kutsi uhamba afike kuphi.
- Umhlambi kazalusile: Bantfwana labatiphetse
- Ludlambedlu tinkhomo teNkhosi: Bantfwana labangakaphatfwa ngumuntfu
- Ushaya inja ngami: Wenta shengatsi utsetsisa bantfwana kantsi utsetsisa mine
- Ngitawuse ngibone ematolo kwehlula lilanga: Ngeke ngehlulwe nguwe mine, ngimdzala wena ungumntfwana
- Intsandzane lenhle ngumakhotfwa ngunina: kuncono kufelwa nguyihlo kusale unyoke ngobe unyoke uyakwati kubonelela bantfwana
- Kuba libhebha lalomunye umuntfu: Kuphike kulandzela lomunye umuntfu Kuhle kwemntfwana alandzelana nenina
- Kuhlala ngentfombi: Kuhlala utinyte njngentfombatana
- Kukhafulela ematse: Kubekisa sikhatsi ngematse kubona kutsi umntfwana lotfunyiwe utawusheshe abuye yini
- Lituba: Umntfwana lotelwe waba yedvwa kabo
- Kutalela phasi: Kutala bantfwana bafe
- Ngilahlile: Ngishiye nje bantfwana bodvwa
- Kuba nesitfombo: Kuba neMtimba lomkhulu lomudze kantsi usakhula
- Kuba nelikhaba: Kusheshe kukhula kwemntfwana abe mudze kantsi usasemncane ngeminyaka
- Kubeka sichibi: Kubeka umfana walenye indlu inkhosana endlini lefanele kubusa kantsi ite umfana
- Lizinyane leSilo: Umntfwana weNkhosi
- Budvodza abukhulelwa: Nalomncane angawenta umsebenti lowentiwa ngemadvodza
- Umntfwana: UmntfwaneNkhosi
- Wadla bomphondvweni: Kumila timvu usemncane
- Inkunzi isematfoleni: Inkhosi lekumele ibuse isaseyincane
- Umntwanemfambele: Umntfwana weluphuya
- Bantfwabemadvodza: Bantfwana labanaboyise bancono
- Umusa wabani: Umntfwana wemuntfu lomkhulu
- Umntfwana wekutalwa: Umntfwana weNkhosi lotawuba yiNkhosi
- Bantfwana bangumliba loya embili: Bantfwana balitsemba lakusasa
- Bangidla emehlo: Banengi kakhulu bantfwabami angikhoni kubanelisa
- Litsambo lemuntfu alidliwa: Umntfwana walomunye umuntfu akaniketwa lomunye emalobolo noma umvuzo wemntfwana walotelwe embili kawutidleli
- Akatalanga wabola ematfumbu: Umntfwanakhe ute Lusito, utiphatsa kabi
- Kutalela etibini: Kutfola bantfwana kungakhanyi kutsi utekile yini nome utekiwe
- Kutala libhungane: Kutala umntfwana lomnyama lotse khwishi
- Kutala kutilungelela: Kuba nebantfwana labalusito
- Kutihlindza ematfumbu: Kubeka lonkhe lihlazo lebantfwabakho ebaleni
- Akulahlwa mbeleko ngakufelwa: Ungabolahla litsemba ngobe awukaphumeleli. Linga futsi
- Ingwe ikhotsa emabala ayo lamhlophe nalamnyama: Bantfwabakho ubobatsandza bonkhe ngekulingana.
- Inja ibambela umnikati: Kuphumelela kwemntfwana kuligcabho kubatali kantsi nemacala ache awela kubatali bakhe
- Inkunzi isematfoleni: Baholi bakusasa basesebantfwana lamuhla ngako bantfwana kufanele kutsi bakhuliswe ngendlela lefanele kute babe nelikusasa lelihle
- Umuntfu utala aze ayokufa: Umuntfu uba nebantfwana labakhulisako nome bakhe sebabadzala, lokungabo batukulu nome bashana
- Ungaboyihleka ngobe utayitfola: Ungabomhleka umuntfu ngobe akhubatekile ngobe nawe kusasa utawutfola lokhubatekile nawe.
- Bantfwana sitsembu: Bantfwana kufanele kutsi ubaphatse ngekulingana
- Ludziwo lufute imbita: Ufute uyise nome unina
- Ludlambendlu tinkhomo teNkhosi: Bantfwana labangaphatfwa ngumuntfu
- Sikhuni sitala umlotsa: Kushiwo nangabe umuntfu lohilako atele umntfwana losehluleki
- Sichumu sifundza emphundzini: Umntfwana ufundza ngekubuka lokwentiwako kumtali
- Umfundisi akamtali umfundisi: Umntfwana akavami kufuta Batali bakhe ngetento
- Umtsentse uhlaba usamila: Kukhalipha kwemntfwana kubonakla asemncane, naloko latawuba ngiko kusheshe kubonakale
- Umntfwana longakhali ufela embelekweni: ubocela Lusito nawuhluphekile ungabindzi nje.
- Lugotjwa lusemanti: Umntfwana ufundziswa asesemncane, ingcondvo isasetsambile
- Lituba: Umntfwana lotelwe waba yedvwa kabo
Related
