Skip to content
- Lisomo lidla indzaba: Kukhuluma kucala kancane kugcine sekuyindzaba sibili
- Lenemlomo ayinalubisi: Umuntfu lokhulumela futsi kuvamise kutsi angabi nemsebenti walutfo.
- Kuba nelulwimi loluhle: Kuba ngumuntfu lonenkhuluma ngendlela lengalimati
- Kuba nelulwimi lolubi: Kuba ngumuntfu lonenkhulumo lefaka umoya lomubi kubantfu
- Kubala emagama: Kucaphela ungakhulumi emagama langakubopha kusasa
- Umlomo lishoba lekutivikela: Kukhuluma kuyakuvikela
- Kuluma ulahle: Kukhuluma tintfo letinyenti ungaticedzi
- Kuphatsa umuntfu ngeludzaka emehlweni: Kumkhohlisa ngenkhulumo
- Kubika imbiba ubike libuti: Kukhala ngalokwa nangalokwa
- Inkhwali ibanjwe sidvwe: Sewuyehluleka kutsi uphendvula utsini
- Inkhukhu ijutjwe umlomo: Akasenamagama ekuphendvula
- Kwaboshwa umtsakatsi: Wehl;ulekakutsi uphendvula utsini
- Kwasha kwacima kwasala ticintsi: Emagama ekutilandvulela nekutivikela
- Kunyanyalata inkhulumo: Kwengula inkhulumo etulu
- Mashavane: Umuntfu lokhulumela futsi
- Mlonyeni: Umuntfu lotsandza kukhulumela futsi
- Ngcamngceshe inkhosi yetintsetse: Umuntfu lotsandza kutsi kukhulume yena kucala
- Kudla lisomo: Kukhuluma sakudlala
- Kudla indzaba: Kucoca
- Kugudluta inkhulumo: Kukhuluma emagama ekusekela lakushiwoko
- Kuhlabisa ligama ngenhloko: Kukhuuma ugcizelele
- Kukhuluma emagelemba: Kukhuluma lokunengi lokubi
- Kukhuluma koniwa ngumlomo kulungiswe ngumlomo: Siphusho siyacoliswa
- Kukhotsa ludziwo: Kukhuluma ekugcineni
- Kukhonkhotsa: Kukhuluma kodvwa ungete wanakwa ngumuntfu/kukhwehlela
- Kukhuluma emanwayinwayi: Kukhuluma emagama lamanengi ekutama kutivikela
- Kukhuluma ligama: Kukhuluma intfo lenemcondvo
- Kukhuluma tinyoni: Kukhuluma tintfo letibheke eceleni
- Kukhuluma ngodli dlakalsi: Kukhuluma ngenkhani
- Kukhuluma tamphulu temagama: Kukhuluma emagama lamabi lalukhuni
- Kukhulumela ematinyweni: kukhuluma umumule ungaphimiseli livi
- Kukhuluma lulwimi lunye: Kukhuluma inkhulumo levumelanako
- Kukhuluma inyova: Kukhuluma inkhulumo leseyengcelwe sikhatsi
- Kulahlela: Kukhuluma ngekunganaki
- Kunika umuntfu umlomo: Kumkhulumisa
- Kuphefumula: Kukhuluma ubeke ubeke umbono wakho
- Kusengela eluphondvweni: Kukhulumisa umuntfu njengesihlobo kantsi uhlose kutfola timfihlomletitsite bese utendlulisea kulabakhulu
- Kushaya ticetse: kukhuluma emagama lamnandzi lamnandzi kantsi wenta lisu lekutfola lokufunako
Related
