Skip to content
- Imphangele iyawusola ummmbila: Kukhona lokusolisako caphela
- Inhlwa ayibanjwa isavela: Ungayidvumisi intfo usengakayiboni kahle
- Indlu sifu: Ungakhulumi ngemuntfu uma usendlini ngobe kungenteka kutsi ulalele uyakuva
- Inalala ihlola indlala: Kudla kuyagcinwa nangabe kutfolakele kwaba kunyenti kulungiselelwe bulukhuni
- Lapho kwake kwema khona emanti aphindze eme: Nome sebehlukene, ngekuhamba kwesikhatsi baphindze futsi batsandzane
- Linceba lendvodza alihlekwa: Ungabomhleka umuntfu nakehlulekile
- Kuluma indlebe: kucwayisa umuntfu ngentfo letsite
- Kudvonsa ngendlebe: kumyala umuntfu
- Tjani lobulele buvuswa ngemlilo: Umuntfu lolibele longafuni kusitwa uyamyekela
- Sala kutjelwa sibona ngemopho: Umuntfu longalaleli nayaboniswa ugcina kabi
- Emacili akatsengani: Tihlakaniphi atihlalelani
- Watigwaza ngesakhe: Kutibulala wena ngentfo yakho
- Lilanga lishona entsabeni: Liyakushonela lilanga uyawuhlala ungene nawe engcakini
- Sihlahla asinyelwa: Umuntfu lokusitile kufanele kutsi umvalelise nasewuhamba. Kungatsi lapho bewusitakala khona bese sewuyona ngobe sewuhamba, uyowubuye uhluphekele khona futsi
- Hamba tuba batakuhlutsa embili: batakubona labanemehlo
- Imphi yemndeni ayingenwa: Nakucabene bantfu labatalanako ungaboyingena ngobe batawucolelana isale ngawe.
- Inala kayihambi kuhamba indlala: Intfo lenhle umuntfu layentako ayivami kwatiwa kepha lembi ngiyo leyatiwawako.
- Indlela lendzala ite emanyeva: Nayintfombi utandzana nemuntfu lodzala kuwe ngeminyaka awuvami kuhlupheka, unemphatfo.
- Indlela lendzala ite botsotsi: Nawulijaha utsndzana nemuntfu lomsikati lomdzala kunawe awuvami kuhlushwa timbangi.
- Inkhomo yekusisa ayinambalo: Ungabohlelela etikwentfo yemuntfu ngobe angahle ayilandze nome ngabe kunini.
- Inkhonto iyancengwa: Umuntfu losisebenti kufanele kutsi umsebenti wakhe awuhloniphe ngobe nakhona emsebenti suke ukhontile.
- Inyoka ayilandzelwa naseyingene emgodzini wayo: Ungabe usolo usukela umuntfu nome solo akutiba
- Intsandzele lenhle ngulekhala igijima: Nawusenkingeni ungabokhala uhleti, ubotsi ukhala ube wenta taba nawe.
- Inyoni ayikhulunyelwa emlilweni: Nakunentfo loyihlelako ungabohambe ukhuluma nje ngayo. Utawubona ngalomunye asayenta lentfo akuhambele embili.
- Inyoni ishayelwa labakhulu: Lokuhle lokwentiwa ngumntfwana kuletsela Batali bakhe ligama lelihle. Nemacala kanjalo aya kubatali.
- Itsi ingagcotjwa sisila ihlekwe: Umuntfu labetikhukhumeta utsi nasahlupheka kuhlekiswe ngaye
- Iyagodla nayigculwa, yehlise nayincengwa: Ungabokwenta tintfo ngebubheva kodvwa ngesineke khone utewuphumelela
- Khabogwala kuyasindvwa: Ngalesinye sikhatsi kungalwi kuyasita
- Khakhaba dvoye tidze tiganga: Asengihambe kukhashane lapho ngiya khona
- Kukhona lokushaya emanti: Kukhona lokusolisako lapha caphela.
- Finyeta umjeje: Lungisa tento takho
- Kuluma umuntfu indlebe: Kumeluleka nekumcwayisa ngengoti
Related
