Skip to content
- Sandla hamba sandla buya: Bantfu labasitanako bayephana lomunye welula sandla lomunye uyemukela
- Ikhotsa leyikhitsako: Usita umuntfu lokusitako
- Imikhombe iyanana: Umuntfu usita lowo lowase wamsita
- Emehlo lamabili ayabonisana: kuncono kucela seluleko kulomunye nawunengcaki
- Indlela ibutwa kulabayatiko: Umuntfu usitakala ngekuyibuta kulabanye intfo angayati
- Imbilapho ivuna silondza: bantfu labayingati bayevelana
- Imbiba idla yetayele: Lapho wase wasitakala khona iphndze ibuyele
- Kubeka licembe: Kucela kutsi ukhunjulwe nasekutfolwa lokuhle
- Kutala indvodza: Kutala umntfwana lolusito
- Kucela tandla: Kucela lusito
- Kufaka emandla: Kwenta imitamo lemikhulu yekusita
- Kwandza kwaliwa batsakatsi: Ngiyabonga shengatsi bangandza labanjengawe
- Wangiphipha: Wangisita sengih;uphekile
- Kufaka sandla: Kwelekelela nangabe kwentiwa intfo letsite
- Ikhotsa leyikhotsako: Umuntfu usita lomsitako
- Injobo itfungelwa ebandla: Bantfu bayabonisana.Utfola Lusito ngentfo nawuyiveta kulabanye
- Lunyawo alunamphumulo: Ungamphatsi kabi lomunye umuntfu ngobe uyotitfola sewuhluphekile sewufuna Lusito kuye
- Kufihla inhloko: Kutfola indzawo yekulala nome yekuhlala.
- Hamba sandla buya sandla: Bantfu labasitanako bayephana lomunye welula sandla lomunye uyemukela
- Kuwela etandleni letimhlophe: Kutsi nawuhluphekile utfole umuntfu longakusita nobe kwemukelwa kahle ngulabanye bantfu
- Kutala kutilungelela: Kuba nebantfwana labalusito
- Inja ilandzela sandla: Umuntfu ucela Lusito kulowo losake wamsita
- Tandla tiyagezana: Bantfu bayasitana
- Umntfwana longakhali ufela embelekweni: Ubocela Lusito nawuhluphekile
- Umuntfu ngumuntfu ngebantfu: Umuntfu unguloko langiko ngenca yekusitwa ngulabanye bantfu
- Indvodza ifela emaceleni: Ngete sewutfole lutfo lwekukusita
- Inyanga ayitelaphi: Umuntfu usitwa ngulabanye etinkingeni leticondzene naye
- Kwetfula ingwe esihlahleni: Kushiwo nangabe bantfu bahlangene bonkhe balekelelana entfweni letsite
- Kucela tandla: Kucela lusito
- Kulahla umlomo: Kucela Lusito kumuntfu nome ubona kutsi ngeke uphumelele
Related
