Skip to content
- Emanga laluhlata: Emanga lasebaleni labonwa nanome ngubani
- Kwetsemba umoya: Kwetsemba lite
- Kwetsembisa lizulu nemhlaba: Kwetsembisa umuntfu konkhelokuhle
- Litsemba alibulali: Ngijabhiseke kabi ngetsembile
- Labase babonana baphindze babonane: Setsembe kutsi siyawuphindza futsi sibonane
- Kwetsembela emakhabeni: Kuba nentfo loyibekile lowetsembele kuyo kutsi itakusita kusasa
- Mantulu kuvutfwa: Kumbe kutawubuye kulunge
- Ngife ngifulile: Ngilahlekelwe sengetsembile
- Seyibambe ime ngayo: Angisaboni kutsi ngitawuphumelela
- Bengitsi kumbe, kumbe: Bengitsi kutawutfuke kube ncono
- Akulahlwa mbeleko ngakufelwa: Ungalilahli litsemba ngobe naku ungaphumeleli
- Kufa ufulile: Kulahlekelwa wetsembile
- Emanga laluhlata: Emanga lasebaleni labonwa nomen gab engubani
- Akaphangelwa etindzabeni letinjalo: Utitsandza kabi tindzaba letinjalo
- Bemanga: Labatikhulumako tindzaba
- Inkhwali ibanjwe sidvwe: Sewuyehluleka kutsi uphendvula utsini
- Inkhukhu itutjwe umlomo: Akasenamagama ekuphendvula
- Kuba ndzabandzaba eveni: Kukhuunywa kabi kweligama lakho
- Kuba nelulwimi lolubi: Kuba ngumuntfu lonenkhulumo lefaka umoya lomubi kubantfu
- Kubambisa umuntfu ludvonga: Kumkhohlisa ngekumetsembisa lokutsite kodvwa ungete wasigcina setsembiso sakho
- Kubutsa tibi: Kutama kufihla liciniso ngekuvala ngemanga
- Kubundzetela: Kufihla lokubi lokwentiwa sihlobo
- Kuhlala ngemuntfu: Kubika lokubi ngemuntfu ngalomunye lokungemanga
- Kukhwacela njengentfulo: Kutivikela ngemanga
- Kushaya ngemfe iphindziwe: Kukhohlisa
- Kushonisa: Kudla umuntfu ngentsengo, kumkhohlisa.
- Kutihleka: Kutikhohlisa
- Kuvisa bantfu kabi: Kukhuluma wente intfo kwangatsi iliciniso kantsi ayisilo
- Kuyabandza: uyangiyenga
- Kuyahhuma: Angiyikholwa lentfi loyikhulumako, angifuni nekuyilalela
- Ungiyenge wangehlula: Ukhulume ngate ngakhohlwa kutsi ukhuluma indzaba sibili kantsi ungitjela emanga nje
- Utakuyikhomba inkhosi: Uyawudzine ungitjele liciniso
- Uva kusho: Bakuyengile
- Kubhaca ensitini: Kutama kutivikela ngemanga kantsi liciniso lisebaleni
- Kulalisa umuntfu: Kumkhohlisa
- Weva mayengayengane: Ngiyakuyenga
Related
