Skip to content
- Bayakukubona labanemehlo: Uyawuhale uhlale uwutfole umvuzo waloko lokwentako
- Kuhlohlela lutsi ekhatsi: Kuchubela lutsi ekhatsi
- Inhlitiyo kayivunyelwa: Ubotibamba nome ngabe inhlitiyo itsi yenta intfo lembi
- Uyasonga uyasekebula: Utsi utakulungisa
- Bayokubona labanemehlo: Nawe uyawuhlale ubatfola labanjengawe
- Hamba tuba batakuhlutsa embili: Hamba batakubona embili
- Siyawuhlangana elukhalweni lwetimfene: Siyawuhlale sitfolane lapho sekungekho muntfu lotakwelekelela
- Kungawa lilanga litfolwe tinkhukhu: Ngeke sekwenteke loko
- Utakutiva kucedza: Utatibonela wena kutsi wenta njani
- Ubolibamba lingashoni: Kutawuhlwa ngitakulungisa
- Kuhloma umuntfu elutsini: Kumcokisa kuhlala ubheke kutsi ente lokubi kuwe bese uyamshaya
- Inja ngiyibekile: Ngitase ngibone kutsi kutawugcinaphi
- Inhlitiyo igaya tiboti: Utfukutsele ucabanga lokubi lokunyenti langase akwente
- Bungacitseka bugayiwe: Kungonakala konkhe kukuhle
- Utakungati: Ngitakubonisa intfo yemehlo
- Utakungibuta ungikhotse: Utakusho kutsi ngishito
- Utakungifundza ungicondze: Ngitakulungisa
- Sitawuyicela ivutsiwe: Sitawuse sibone kutsi utawiphumelela njani
- Maphindza muva yingoti: Yase yaphindza yenteka lentfo kutawulandzela ingoti
- Akancengi lapho adle khona ngayitolo: Akesabi kutjela umuntfu siphosiso sakhe nome ngabe lowase wamentelani
- Bamba inyoni wena: Mani sibindzi ungesabi
- Bamba imijojo wena: Mani sibindzi
- Imbita lengaphushi ayivutfwa: Tintfo tilungiswa ngekukhuluma
- Leyondzile ayitfotelwa: kufa nome ngabe ngubani. Kufa akukhetsi
- Inhlwa ayibanjwa isavela: Ungayidvumisi intfo usengakayiboni kahle
- Kuyawubanjalo ekucaleni nasekugcineni: Intfo leyenta usemncane iyenteka nome sewumdzala
- Bayokubona labanemehlo: Nawe uyawuhlale ubatfola labanjengawe
- Inkhani yakhe ingangeyesicoco: Akancadzeki entfweni lase atimisele kuyenta
- Kuba nadvolo cina: Kucina emandla nawubona buncono betintfo
- Kuma nganyawo lunye: Kucinela intfo kutsi yenteke
- Wadla sibindzi sengwenya: Unesibindzi lesibi nemuntfu angambulala
- Mancoba sibindzi: Nawunesibindzi ungenta nome ngabe yini lelukhuni
- Sibindzi uyabulala, siphindzi uyaphilisa: Ngalesinye sikhatsi kuyasita kutsi ube nesibindzi
- Umdzala itolo: Batakulungisa
- Uyayenga: Siyawuhlale sitfolane nawe
- Utakungati: Ngitakuboisa intfo yemehlo
- Sitawuyicela ivutsiwe: Sitawuse sibone kutsi utawuphumelela njani
- Esweni: Ngeke iphumelele lento lotsi ufuna kuyenta
- Kungasa ngifile: Ngeke ngikwente loko
- Umvundla tiyowuncandza embili: Nome ungahlakanipha kodvwa kukhona lokutakubamba
- Akumtsimba wagidzelwa ehlatsini: Kute lokufihliwe lokungayivela
- Mancoba sibindzi: Nawunesibindzi ungenta nome ngabe yini
- Kushaya ngendvuku phasi: Kwala uphetse kutsi kwenteke intfo letsite
Related
