Emaphupho laluphawu lwekukhulelwa:
- Uma uphupha titselo letinyenti letehlukene, kungasho kutsi kukhona sihlobo sakho nobe umngani wakho lokhulelwe.
- Uma uphupha udla titselo, kungaba nguwe longakhulelwa nobe kungenteka sewukhulelwe vele.
- Uma uphupha ubhukusha emantini langcolile nobe emantini laneludzaka bese uyancwila kuwo, loku kungakhombisa kutsi ukhulelwe.
- Uma uphupha ukhulelwe, kungasho kutsi utawuba nemawele ngalelinye lilanga, ikakhulukati uma uphupha wetfwele emawele kuphindzaphindzane.
Labanye bantfu bangaphupha ngekukhulelwa kwabo kepha imvamisa ngulomunye umuntfu lophuphela wena.
Tibusiso Nemisebenti/Imitfwalo Levela KuBokhokhomkhulu
Kukhona liphupho lapho nobe ukhulelwe futsi wonkhe umuntfu vele ati, kubakhona umuntfu lomdzala emndenini lophupha ngebulili balomntfwana lomphetse. Kunenkholelo yekutsi lelo phupho lisho kutsi lomntfwana usibusiso lesivela kubokhokho bakho. Kepha inkinga ivamise kuvela ngemuva kwekutalwa kwemntfwana futsi loyo mntfwana uvame kugula. Ikakhulukati uma inhlawulo yalomntfwana ingakakhokhwa ngumndeni wababe wayo. Lomntfwana angase atsintseke ngekukhubateka. Wena njengemtali wemntfwana ngemuva kwekutalwa kwemntfwana kufanele ubonge umntfwana kubokhokhomkhulu njengobe asiphiwo sabo futsi amelele inhlanhla etimphilweni tenu. Uma lomntfwana atawubonwa, kunetintfo letitsite letilusiko lekumele tenteke kucala, njengekupheka tjwala besintfu kanye nenyama yangekhatsi tukwesilwane, ngaphambi kwekutsi bantfu nabomakhelwane bafike batobona lomntfwana.
Kukhona emaphupho lesiwatiko kutsi uma uwaphuphile kunetintfo letitsite lokufanele utente kute tintfo letimbi tingenteki nobe uvikeleke. Kepha nakuphatselene nemaphupho laphatselene nekufa nekukhulelwa ngeke ukwati kugwema losekwentekile. Kubakuleke kakhulu kukhumbula konkhe lokuphuphe ebusuku njengoba loku kungaba lusito lwekuvikela lokutako.
Kuphupha Ngekukhulelwa Kwalabanye
Kuphupha lomunye umuntfu akhulelwe kuluphawu lwekutsi kukhona intfo noma tintfo letifanele kutsi tibe takho kepha tisetandleni talomunye umuntfu. Nanobe kunjalo, leto tintfo titawugcina tifinyelele etandleni temuntfu lofanele. Kungenteka kutsi yintfo loyitfole njengelifa nobe intfo lekulahlekele esikhatsini lesengcile. Kungaba futsi sikhundla semsebenti lesiniketwe lomunye umuntfu ngendlela lengakalungi lesingavetwa, bese sibuya kuwe.