Uma umuntfu longumtsakatsi, akufaka imimoya lemibi, kungaba kutsi unemona ngawe, naloko lonako emphilweni, nobe utfunyiwe futsi ufuna kwenteke tintfo letimbi kuwe, njengekulimala nobe kufa.
Kubambeka Futsi Usongelwe
Kungenteka kutsi kukhona umuntfu lotama kukufaka imimoya lemibi ngebutsakatsi uma uphupha akubita ngelibito lakho emaphaseji nobe etitebhisini. Ungaya kuye nobe usondzele kuye kantsi uphetse lokutsite, bese niyalwa nite niwele phansi endlini, bese nawutsi utama kuphuma endlini avale umnyango. Bese kutsi nawugcina utfola indlela yekuphuma, akukhombe akutjele kutsi utakutfola ngalelinye lilanga. Loyo muntfu kungenteka kutsi wetama kukuloya kute ulimale, kungaba sihlobo nobe umngani wakho.
Umntfwana Lothoyako nobe Lokhipha Emangcoliso
Uma uphupha ubambe umntfwana wakho locishe abe neminyaka lesihlanu budzala, bese ukhiphela emangcoliso akhe kuwe, kungenteka kutsi kukhona lokuloyako losebentisa umoya lomubi wesichitfo semangcoliso. Imfucuta yemntfwana wakho akukafaneli ikutsintse ngoba lomntfwana losephusheni empeleni akasuye umntfwana wakho kuyaye kube silwane semimoya lemibi nobe sebatsakatsi njengatikoloshi.
Kulala neMuntfu
Uma uphupha ulele nemuntfu bese bantfu bacala kukutondza futsi nawutsi uyabahlekisa bakucansukele. Kungenteka kutsi uloyiwe nobe ufakwe sicitfo lesenta kutsi ungatsandzeki bantfu bakunyanye.
Ematje neMawa
Uma uphupha umuntfu akujikijela ngematje akugijimisa, kuhle uma ubaleka bese uyavuka bangakakhoni kukushaya. Kungaba yingoti uma bangakushaya njengoba kusho kutsi kukhona lokuloya ngesicitfo selitje, ngekutfumela lelitje kutsi likushaye. Ebusuku bayala nobe batfumela lelitje kutsi lihambe liyokugadla.
Uma uphupha umuntfu akulengisa eweni lelimnyama kungasho kutsi ufuna kukulimata nobe kukubulala. Kulesigameko kudzingeka kutsi uhambe uyotfola lusito tukwe nyanga nobe umelaphi wesintfu ngoba ngalelinye lilanga lomuntfu angakuyekelela kutsi uwele ngekhatsi kuleliwa lelimnyama.