Re Batlokwa ba Maphela,
Re bowa Mogodumo wa bana ba Shikwe’a Nape.
Re bana ba’ thaba tše kgolo go ratana, dinaga go etelana,
Re bowa Leshaba la Magwato,
Re bana ba Maripa a diphaswana,
Le Mma-Lekoba’a Tlokwa Moletlane,
Wa bona moroka o tšee,
Moroka o na le mohola.
Re ba nonyana a marongwane,
Magana go hlohlwa, madumela go retwa,
Re Bakone ba Mmanakana, Bakone ba Mmanakana tša pudi.
Nna ke phogolo’a monare seena kgomo,
Ke Setšhitu sa Mmadikodiko,
Setšhitu sa matubula a Sekhukhune.
Ke sekororo sellakgole, motlabo wa Mmatselane,
Ke leope lewela difofu,
Le ba mahlo le a ba wela.
