Skip to content
- Dijo di bitša bagwera lehu le bitša beng: Kwa monyanyeng go tla bagwera, fela ka mohla wa bolwetši le lehu bagwera ba a katologa gwa šala beng.
- Lehu ga le apeelwe mphago: Motho a ka se tsebe mohla wa kotsi goba lehu.
- Lehu la lenaba ke la gago: Le ge o ka hloya motho ge a wetšwe ke lehu o tla mo kwela bohloko.
- Lehu la bontšing ga le babe: Kotlo ye e welago batho ka moka ga e tšhabege bjale ka yeo e tlelago motho a le noši.
- Lehu le a bitša le biditše tšhwene thabeng: Motho ge e le letšatši la gagwe la go wela kotsing o gana go amogela dikeletšo.
- Motho re mo leboga a hwile: Kwa polokong ya motho mešomo ya gagwe e bolelwa kudu go feta tše dimpe.
- Bahu ga se bafedi: Kotsi ya lehu ga ke e wela batho ka bontši.
- Batho ga ba hwe ka moka: Kotsi ya lehu ga ke e wela batho ka bontši.
- Dikati tša lehu ke bolwetši: Gantši motho o tlelwa ke lehu ka tsela ya go lwala.
- Kgaka ya hwa mae a bola: Motswadi ge a ka hwa bana ba šala bošuaneng.
- Letsogo la mohu le fa le fulere: Motswadi ge a hwile ke gona lefa leo le fetela ngwaneng.
- Molebo wa phodi wa hwa maraka a šala a bola: Motswadi ge a ka hwa bana ba šala matshwenyegong le bošuaneng.
- Tlala e tla ka go neka phefo ke ja noni: Lehu ga le bjale ka tlala ye e kgethago badiitšana fela; lona le tšea batho ka moka.
Related
