Go bolelwa gape le ka taba ya kgonagalo ya go lwa le go dira dilo ka kgapeletšo.
- Namakgapeletšwa e tla thuba pitša/ e phuma pitša: Go dira modiro ka kgapeletšo le swele go a senya.
- Go lahlela hlware legonyana: Go rumola yo mongwe ka polelo le ka mediro.
- Dikgogo tša hlakanela mae di a lwa: Motho a se ke a tlwaela go bea dilo tša gagwe ka malapeng a šele gobane ka moso taba ye e hlola diphapang.
- Dikgomo go hlabana tša lešaka le tee: Batho ba ba agilego gotee ba fela ba elwa ka mabaka a a farologanego.
- Di sa tsebanego di a welana: Batho ge ba tsebane gomme e mongwe le emongwe e le nkgwete, ge ba gahlala go ka tsoga ntwa.
- Dingaka tša šika ga mmogo di fetogelana mapogo: Bahlale babedi ge ba kopanela modiro o tee ba ka fela ba elwa gobane o mongwe le o mongwe o ipona e le o mogolo go o mongwe.
- Kgagala-pedi ga di lale moleteng o tee: Bahlale babedi ge ba kopanela modiro o tee ba ka fela ba elwa gobane o mongwe le o mongwe o ipona e le o mogolo go o mongwe.