Go bolelwa gape le ka ga dilo tše e lego gore di ka se bušetšwe morago goba tša fetolwa.
- Mogo ga o butšwe ge o bona ba ga tšhwene: Motho ge a se na dijo a ka se re go tlelwa ke baeng gomme a nama a thoma go ba le tšona.
- Bomadimabe ga bo hlapše: Ge motho a belegwe e le mmotlana, a ka se ke a kgona go ikhumiša ka go rata ga gagwe.
- Ge e le mpša ke lle mosela ka dira seala: Motho ge a itshenyeditše leina ka baka la mediro ya gagwe e mebe le ge a ka tlogela bobe o tla no tuma ka bobe bjo a kilego a bo dira.
- Go boa go boa monwana, lentšu ga le boe: Motho ge a ka bolela mantšu a mabe ka motho e mongwe ga ke a kgona go bušološa bošula bjoo a bo boletšego.
- Go lemala ga namane ke go lala le mmayo: Ngwana ge a tepelela ke gore o sentšwe ke batswadi ba gagwe gobane ba mo lesitše a dira boithatelo.
- Khudu ga e lahle legapi la yona: Motho ge a tlwaetše go dira mediro e mebe go thata go yena gore a e tlogele.
- La tšwa ganong le tšwele: Motho ge a boletše mantšu a mabe gare ga batho a ka se kgone go hlanoga gore ga go bjalo.
- Lentšu ga le kube, go kuba monwana: Motho ge a ka bolela mantšu a mabe ka motho e mongwe ga ke a kgona go bušološa bošula bjoo a bo boletšego.
- Mma-nteme o ntemile, se ntemolle o ntemile: Motho ge a tlwaetšwa go dira selo, go thata go yena go tlošwa go selo seo e lego kgale a se tlwaetše .