O se bone go akalala ga bonong, go wa fase ke ga bona: Motho ge a ikgodiša ka se a se phethileng ka mahlatse, ka tšatši le lengwe a ka palelwa mme batho ba mo kwera a nyama.
Go hlalla ntšhi ke go khora: Motho ge a hloka ga a ke a nyenya fela ge a thoma go khora o thoma go nyenya a bona le gore sejo seo a se filwego ga sa mo natefela.
Go nyatša kgoši ke go tloga: Motho ge a sa ipee ka tlase ga babuši o a lelekwa.
Go seka go lle yo thata: Motho yo a sa ratego dikeletšo tša batho ka lenyatšo o fela a wela mathateng.
Lenaba mmolayawabo, mohla wa marumo a fela o hloka boetelo: Motho yo a nang le boikgodišo a hlaswa ba gabo o tla hloka ba ba ka mo amogelago.
Lethini le le llago ka gare ga go selo: Motho yo a ikgodišago ga a na se a se kgonago gobane o dira bjalo ka go tšhošetša batho gore ba mo tšhabe.
