Izaga ngomuzi

Ayikho indlu edlenye: Umuzi nomuzi uyazijamela angekhe wabulala umuzi wenye indoda uwenze wakho, nanyana kungenzekani umuntu nomuntu ubusa izinto zakwakhe akwenzeki nakanye abe yihloko yomuzi wenye indoda nanyana ingalala/ibhubhe
Awukho umuzi onganantuthu: Nanyana umuzi ungabamuhle kangangani nawujame ngaphandle kodwana yoke imizi inemiraro begodu awukho umuzi onganamiraro. Yoke into ibonakala inganakinga nawujame kude kodwana mhlazana ufika eduze nofana ungena ngaphakathi kulapho ubona khona iinkinga nemiraro yakhona.
Intonga ayiwakhi umuzi: Ukulwa akusombululi iinkinga, umuntu ofuna ukwakha umuzi begodu izinto zomuzi loyo zikhambe kufanele azi bona ukulwa akusiso isisombululo sayo yokinto.