Skip to content
- Ikhotha eyikhothako: Usiza okusizako, umuntu okusizako nawe ngelinye ilanga kufanele umsize ngombana nawe uzomtlhoga bona akusize ngento ethize oyenzako nofana oyifunako. Kuyipilo siko yabantu ebakheleneko nofana ebabangani umuntu usiza lapho nayo athola isizo khona ngombana abantu ebatjhideleneko abaliselelani bona omunye aloko abanjwe yikinga angabi nomuntu angabhadekela ngakuye kodwana nawu mumuntu nokusiza abanye angekhe wazithola unganamsizi ngombana boke obasizako bazokusiza nawusebudisini.
- Izandla ziyagezana: Usiza okusizako, umuntu usiza umuntu omusizako naye ngombana amandla wenye indoda akadliwa kufanele abiselwe ngokusiza njengoba naye enzile kuwe. Le kuyipilo siko yabantu ebakheleneko nofana ebabangani umuntu usiza lapho nayo athola isizo khona ngombana abantu ebatjhideleneko abaliselelani bona omunye aloko abanjwe yikinga angabi nomuntu angabhadekela ngakuye kodwana nawu mumuntu nokusiza abanye angekhe wazithola unganamsizi ngombana boke obasizako bazokusiza nawusebudisini.
- Ukuhlanganisa iinhloko: Kulokha abantu basizana ngokuthile babonisane begodu basizane bona into ethize bangayenza bunjani begodu bakhombisane namano alula wokwenza intweleyo bona yenzeke ngaphandle kokona isikhathi namandla. Ukubonisana kubalulekile ngombana umuntu angakukhombisa nento ebewungakayitjheji ebegade ingaku bisela emva entweni oyenzako.
- Sandla khamba sandla buya: Kutjho ukusizana hlangana kwabantu, umuntu usiza lapho asizwa khona ukukhombisa bona naye wabona mhlazana bamusiza naye. Kungezinye zendlela eziveza bona umuntu ubonile nawumsizako begodu uyathokoza ngombana naye bekalitlhoga isizo njengoba nawe ngaleso sikhathi ulitlhoga isizo lakhe.
- Ukufaka isandla: Kulokha umuntu asiza, umuntu ofaka isandla nakabona kusetjenzwa naye assize lapho abona khona bona kufuneka isizo. Umuntuofaka isandla ngokhombisa bona naye uyafuna bona into eyenziako le ibe yipumelelo begodu yenzeke ibe yihle nofana iphele.
- Ukubuyisa amahle: Ukusiza umuntu ewakhe wakusiza nawe ngelinye ilanga. Ukusizana kwabantu kwenza ipilo ibelula ngombana abaliselelani omunye nakaphasi omunye uyamsiza bona aphakame naye afane nabanengi. Umuntu okusizako kufanele ungamkhohlwa ngombana umuntu nakaphilako akutjho bona angekhe ngelinye ilanga alibawa isizo komunye.
- Umuntu mumuntu ngabantu: Nawumumuntu uphila kufanele uzwane,uphilisane begodu usizane nabantu ngombana ukusizana nofana ubunye yintatha. Nanisizanako akunanto enganihlula ngombana ikinga nanibanengi niyarhona ukubonisana ngayo begodu niyitholelel isisombululo ngombana ningahlanganisa iinhloko isisombululo sivele.
- Izinja ezimbili azihlulwa sibandana: Abantu ebasizanako abahlulwa lilitho, abantu nabavulana amehlo begodu baphana amano akusilulo bona izinto ebafuna ukuzenza zibahlula ngombana ikinga abayinqophi ngehlangothi linye. Ukubonisana kusiza ngokuthi omunye nomunye ikinga uyiqala ngendlelakhe bese aveze indlela abona ukuthi ingasiza ekusombululeni ikinga ebaqalene nayo.
Related
