Skip to content
- Ikukhu iyasisola isphilesi: Vane into eyenziwako le ingathembisi, begodu woke umuntu uyarhonona ngento oyenzileko nofana ngesenzo sakho. Lapho khunye kusuke kusisenzo esimbi nofana esingathandekiko.
- Ikhaba alithenjwa: Ungamuthembi umuntu okhuluma khulu ngombana ungathola bona izinto azikhulumako lezi angekhe arhona nokwenza yinye yazo. Kwesinye iskhathi uthole bona ukhuluma ngokuthi isimo lesi silula khulu kodwana nasiqalana naye siyamuthareja angazi bona athathe ini ayisephi nofana enzeni kodwana ngokukhuluma angakwenza uzibone ngasuthi awukahlakaniphi.
- Ukuyibetha phambili nemva: Kukhulunywa ngomunye othutha iindaba zabantu azithathe ngapha azise kwabanye nalapho ayakhona uyothatha zalapho ayozitjela abanye phambili, iindaba zoke zibuzwa kuye ngombana uthatha iindaba zabantu azithuthe azise phambili.
- Ukuluma upholise njengekhondlo: Kulokha amuntu akwenza into embi bese enze ngasuthi akusuye oyenzileko, kanengi kubakukuthi umuntu izinto azenzako lezi akafuni bona uzazi kodwana kube zona ziyakulimaza kanti ulinyazwa eduze kwakho la ungakatjheji khona.
- Ukurarhwa yinjomani esifubeni: Kukhulunywa ngomuntu ongathembekiko ngombana wamtjela indaba uyithatha injalo ayoyitjela abanye phambili. Abantu ebathutha iindaba zabanye abanayo ifumba ngombana iimfihlo nofana iindaba zabantu abarhoni ukuzibamba kibo esifubeni kodwana bazikhipha njengoba zinjalo ebantwini.
- Ukusenga ezimithiko: Kutjho bona umuntu ukhuluma into ekungasiyo nofana uleya amala ngombana ikomo emithiko ayiphumi ibisi nawuthi uyayisenga. Umuntu osenga ezimithiko ngokhohlisanako ukhuluma into engekho abantu bamlalele abanye bamkholwe khona lapho.
- Ukuba ngumaqobolwana: Kukuba mumuntu ongathembekiko nofana umuntu oyihlanganisa ophehla inturhu hlangana nabantu. Ihlanganisa mumuntu othanda ukuthoma ipi ngokukhuluma amala, atjele abantu izinto ezingekho bese zibange ipi hlangana kwabantu labo.
Related
