Skip to content
- Akukehli elingehliko: Lento ekuveleleko ingavelela nanyana ngubani, into ekuveleleko ivelela nanyana ngubani noma kukunini woke umuntu iyamvelela. Ukufa kuyinto eyehlela nanyana ngubani ayikhethi muntu ibamba woke umuntu. Into ekuveleleko le akusimhlolo ngombana ibamba woke umuntu akusiyinto ethoma ukwenzeka ngawe begodu ayikazigqina ngawe kodwana ivelela woke umuntu nanyana kukunini.
- Inarha ifana nenye: Kwenye nenye indawo nofana inarha ukufa kwakhona akukahluki ndawo nokufa okuvelela inarha okiyo. Zoke iindawo nofana iinarha ziqalana nokufa njengoba nenarha obuya kiyo iqalana nakho ukufa lokhu. Ungasuka ngakwenu uyokwakha kude epelazwe kodwana ekugqineni ukufa kuzokuvelela kungakho kuthiwa iinarha zoke ziyafana nangaphetjheya kwamalwandle ukufa kukhona njengoba kukhona ngapha nganeno. Enye nenye indawo enokuphila inakho ukufa ngombana ukuphila nokufa kuyakhambisana.
- Akunamango onganaliba: Ukufa kukhona koke la uyakhona, noma ungatjhinga epelazwe ukufa uyokuthola kukhona ngombana lapho kunokuphila khona nokufa kukhona.
- Ukufa kuphola: Kuziduduza nasele ukufa kuseduze, omuntu ogule khulu nasele azikhuthaza nofana aziqinisa uvamise ukuthi ukufa kuphola ngombana uzabe angasabuzwa ubuhlungu nofana ubudisi abuzwako ngaleso skhathi.
- Ithuna lendoda lisendleleni: Indoda ingafa nofana ibhubhe nanyana kukunini, ngombana akwaziwa bonyana kufika nini kubani. Ukufa kufika nanyana kukunini ngaso soke iskhathi kufika kungakalindelwa.
Related
