Skip to content
- Ayibulali mazombe: Nawenza izinto ungarhabi bona zoke zizokwenzeka ngeskhathi sinye kodwana enye nenye into ineskhathi sayo, begodu izinto zoke ziyenzeka kanye kanye ingasi ngesthathi sinye. Ukuthi uthome nini nobani akutjho bona nizoqeda ngeskhathi sinye noke ngombana sibabantu asifani nokwenza kwethu angekhe kwafana, abanye babuthaka abanye bamsinya ngikho ningekhe naqeda ngesikhathi esifanako.
- Inja amanzi iwathapha ngelimu bewaphele: Nanyana izinto zakho zenzeka kabuthaka kodwana zizophetheka ekugqineni, ngombana umuntu owenza izinto zakhe nanyana zikhamba kabuthaka kodwana uncono khulu kinalo ojamileko angenzi litho. Ukwenza izinto kabuthaka akutjho bona angeze wafika emaphethelweni wazo izinto ozenziko. Begodu ukuzigedla nawenza izinto kuncono khulu ngombana awupharhazeli nokuthi utjhaphe entweni oyenzako amathuba mancani khulu ngombana uqale yokinto oyenzako.
- Ukubekezela ngunina lepumelelo: Umuntu obekezelako uphetha ngokuphumelela entweni ayenzako ngombana ujamelana nezimo zoke ezimvelela endleleni yepumelelo. Begodu urhona ukuzimale nanyana kukuphi nofana kuyini. Nawumumuntu othi nakenza into ethize bese ungapheli umoya entweni oyenzako angekhe wahlala wangaphumeleli.
- Iinyosi zidla iliju lazo: Umuntu okwazi ukubekezela izinto zakhe ziyabuya zimusize ngelinye ilanga nakatlhagileko. Nawumumuntu obekezelela yokinto ukuze izinto zakho zijame kuhle izinto zakho zivamise ukuthi ziphumelele bese ziyakusiza.
Related
