Skip to content
- Ukubamba ingwe ngomsila: Ukuba nesbindi sokwenza nanyana yini, lapho khunye wenze nezinto ezingakakafaneli ngombana wena unesbindi sokwenza lokho abanye abantu ebasaba ukukwenza. Ingwe nawungayibamba ngomsila ingajika ikulume kodwana umuntu onesibindi uyibamba nanyana azi bona ingwe le ingajika imlume.
- Kotjhatjha akulilwa kulilwa komrhali: Umuntu obalekela ipi uvamise ukusinda begodu akusilula bona azithole alimele nofana alwe nabantu, kodwana umuntu olwa ngamalanga uyalimala bekazithole asengozini kwesinye isikhathi.ulimala ngombana zoke izinto zakhe ufuna zilungiswe ngepi kanti itjha lifuna kukhulunyiswane nakunomraro.
- Ukubamba inyoka ngetjhawula: Kukwenza into abanye abantu ebasako ukuyenza, ukubamba into ngetjhawula kutjho ukubamba into uyibophe kodwana ngoba inyoka ayibambeki lula umuntu orhona ukuyibamba unesibindi esithusako ngombana akusondeleki eduze nenyoka.
- Ukuginya ilitje: Kukuba nesibindi uqinisele entweni oyenzako nanyana inzima nofana ithusa kodwana wena uyenze ngaphandle kokusaba nofana ukuthuka. Ukuginya ilitja kuyindlela yokuqina isibindi noma sewubona bonyana kunzima lapha ukhona.
- Ukungenwa mamanzi emadolweni: Kukuba litjhatjha nofana kukuba mumuntu onevalo. Kuthi lokha nakose wenze into uthome usabe ubethwe livalo ungasaphumeleli ekwenzeni into leyo ekufanele uyenze ngombana ivalo lizabe likuthumbile kungasabi nokubuyela emva.
Related
