Skip to content
- Ukubetjhwa ngeswazi elincani: Kulokha umuntu athola isgwebo esilula nofana sokumzwela, ngesenzo esimbi asenzileko esimbeke endaweni embi eyenza bona ajeziswe nofana ahlawuliswe. Esikhathini esinengi kuvamise ukuthi angene ekingeni nofana enziswe into emfaka ekingeni angaboni bese abandakanyeke entweni embi enesijeziso kodwana ngobujamo atholakala kibo alitjalelwe yena.
- Isela libanjwe ngomthwalo: Kulokha isela libanjwe bunqopha lisenza izinto zokulelesi, isela nalibanjwe bunqopha lisalelesa bese liyaromeka bona lizophika lithini ngombana akunangenye indlela elingavika ngayo. Kwesinye isikhathi kuvame ukutholakala iimthwalo endaweni yesela kanti kwesinye libanjwa lisazi phethe izinto elizebileko lezo.
- Ukuba nemino emide: Kulokha umuntu isandla sakhe seba khulu, yokinto ayibonako ayebe. Umuntu onemino emide uthatha yokinto ahlangana nayo ayikho esalako lapho adlule khona. La adlule khona kusala kulilwa ngombana izinto ebezilapho azisekho ngombana lidlule nazo isela. Imino emide kusisandla esingana lawulo ngombana sithatha nalapho singakabeki khona nofana lapho singakafaneli bona sithathe khona kodwana sona asijami sitjatha yokinto etjathekako esihlangana nayo.
- Ukuthatha ngezwani: Kulokha umuntu alelesa ebela abantu, athathe izinto ekungasizo zakhe. Ukuthatha izinto ekungasizo zakho uzebe. Uthathe izinto zabantu ngobutsotsi wenze ngasuthi awukwenzi lokho kanti uzithatha ngahlanye ube uzibhada ngekhwapha.
- Iqala livula ingubo lingene: Ilanga elimbi alaziwa ngombana ungavelelwa yikinga kuthiwe ulelesile kube bewungekho lapho wena nento ebathi uyenzile le awuyazi nokuthi yenziwe nini begodu bobani.
Related
