Skip to content
- Ngesabuya nentambo ekuthezeni: Sidlhayela khulu, akayiboni into elungileko nofana engakalungi. Nakufanele enze izinto akaphumeleli uhlala enza izinto eziphuma endleleni ngaso soke isikhathi. Ukwenza into engakafaneli nofana engakalindelwa ngombana abantu ebatjhinga emangweni bayotheza balindeleke bona babuye baphethe iinyanda zenkuni kodwana umuntu owenza ubudlhayela ubuya asaphethe intambo aphume nayo nakatjhinga emangweni, akabuyi nalikho ngitjho nesokubetha inja akasiphathi.
- Ukuthiya amadiye ngeenqobotjhelo: Kukwenza into ebudlhayela, uthole kwenziwa into engazisiko nenganahloko engakufaka emrarweni nofana ekingeni, kodwana abantu abanye bayazenza izinto ezingazisiko nezobafaka emrarweni ukutjhinga kwelanga. Abantu kwesinye bayazenza izinto ezibudlhayela kodwana nanyana babona ukuthi into abayenzako le ibudlhayela bangazikhuzi nanyana kunjalo.
- Sibhabhadlhwa amahlalo sivuke: Kulokha umuntu asidlhadlha khulu esitjhoda ngokuthi sibetjhwe ukuze sivuleke amehlo ukuthi sibone bona kose kwenziweni nofana kwenzekeni. Kwesinye isikhathi kuvamise ukuba mumuntu ongaboniko bona izinto azikhambi ngendlela. Ubudlhayela bufana nobuthongo ngombana nezinto ezenzekako awunambono ngazo ngombana awuboni bonyana kwenzeka into elungileko nofana awa.
- Ubudlhadlha bukhosi: Ayikho into ongayenza ukubonisa umuntu ozitjelileko nofana ukubuyisa umkhumbulo womuntu othungethwe budlhayela ngombana yena into oyibonako akayiboni begodu akusilula ukumkhombisa into oyibonako leyo.
- Ukubhebhulela ingwe abantwana: Kukwenza into ebudlhayela khulu, ingwe angekhe yavuma bona umuntu agone abantwana bayo alo umuntu obabhebhulako yena isifiso sakhe kubonani ngombana ingwe izokulwa ifune abantwana bayo begodu ingamlimaza.
Related
