Skip to content
- Ukungapholisi amaseko: Ukungoni iskhathi, into uvele uyenze ngesikhathi ebakuthume nofana ebakubawe ngaso bona uyenze. Ungalindi bona ukhunjuzwe bona uthunyweni. Umuntu kufanele enze zoizinto ngaleso skhathi atjelwe bona azenze ngaso ngaso ngombana kungavela enye into ekufanele ayenze nayo bese enye yazo iphetha ngokungenzeki ngombana iskhathi sesiphelile bona zingenziwa zoke ngaleso skhathi.
- Ukudosa iinyawo: Kukuba buthaka nofana uqede iskhathi, lokha nawuthunyiweko bese uthatha isikhathi eside ukwenza lento ebakuthume bona uyenze. Lapho khunye umuntu odosa iinyawo izinto zakhe aziphumeleli ngombana athathe isikhathi eside ukuzenza ezinye ziyafelela.
- Ubusuku abuyiqophi intwala: Izinto kufanele zenziwe kusese nesikhathi, ukuze kungatholakali umuntu selapharhazela afune ukwenza izinto bona zilunge iskhathi singasekho kanti bekanaso iskhathi kodwana azange asisebenzise udlale ngaso saphelela phasi.
- Kuphehlwa ebilako: Kulokha kwenziwa into ephelako nofana kwenziwa into msinyazana. Kungamotjhi iskhathi wenze into ngesikhathi esifaneleko begodu iqedwe ngaleso skhathi ekufanelwe yenziwe ngaso. Kungasadoswa iinyawo nakose yenziwe. Ukuphehla ebilako kukhombisa ukuraga nento eyenziwako begodu engakajami kodwana ekhambako nofana ekulindwe bona iphele msinya.
- Ukubhebhula iinthende: Kugijima khulu ngebelo eliphezulu, umuntu agijime khulu ngombana arhabile nofana atjhiyiwe skhathi sokuya endaweni ethize. Kwesinye isikhathi umuntu obhebhula iinthende ngobaleka ngebelo eliphezulu.
- Esuka muva iphapha nesibhuku: Nawufuna izinto zakho ziphumelele zenze iskhathi sisese khona ngombana nawungaledlha nofana ungenzi ngesikhathi akusilula bona wenze izinto ezilungileko ngombana uzabe sewurhabile ungasaqalisisi nawenzako.
- Amathole akhethwa kusakhanya: Izinto zenziwa kusakhanya begodu kusese nesikhathi, izinto ezinziwe kusese nesikhathi zenzeka kuhle begodu zenzeka lula akufani nalokho ugijimisa ithole ebusuku ngombana lizozisitha ngabonina ungasaliboni into ofuna ukuyenza ingasaphumelela.
Related
